2021-08-14 16:18
Информагентства
«Դավինչի» գործակալությունը տոմսեր է վաճառել, բայց թռիչքներ չեն եղել. քրգործ է հարուցվել
«Դավինչի» տուրիստական գործակալության կողմից կատարված առերևույթ խարդախության հանգամանքներով քրեական գործ է հարուցվել։ Տեղեկանում ենք քննչական կոմիտեի ֆեսյբուքյան էջից։
Հայտնել էինք, որ երեկվանից մի քանի հարյուր քաղաքացիներ փակել են «Դավինչի» ընկերության գրասենյակի մուտքը՝ պահանջելով հանդիպում ղեկավարության հետ, իրենց գումարների վերադարձ և բարոյական վնասի փոխհատուցում։ Քաղաքացիները պնդում են, որ ընկերությունն իրենց տարբեր ուղղություններով ուղեգրեր է վաճառել, որոնք գործնականում կեղծ են եղել։
«Օգոստոսի 12-ին մի խումբ քաղաքացիներից հաղորդումներ են ստացվել, որ «Դավինչի» տուրիստական գործակալության հաշվեհամարին գումարներ են փոխանցել՝ հանգիստը Եգիպտոսում կազմակերպելու համար, սակայն գործակալությունը չի կատարել որևէ ամրագրում՝ պատճառելով խոշոր չափերի գույքային վնաս»,–նշված է հաղորդագրության մեջ։
Փաստերի առթիվ հարուցվել են քրեական գործեր՝ ՀՀ քրեական օրենսգրքի 178-րդ հոդվածի 2-րդ մասի 2-րդ կետով (խարդախություն)։
Ձեռնարկվում են միջոցառումներ՝ դեպքի իրական հանգամանքները պարզելու, օբյեկտիվ և բազմակողմանի քննություն ապահովելու համար: Տուրիստական գործակալության գործողություններից հնարավոր այլ տուժածների, ինչպես նաև գործակալության տնօրենին հայտնաբերելու ուղղությամբ հանձնարարություն է տրվել հետաքննության մարմնին, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.