2021-08-16 17:46
Информагентства
Հայաստանում համաճարակային իրավիճակը գնահատվում է լարված
Հայաստանի Հանրապետությունում կորոնավիրուսի և հատկապես դելտա շտամի տարածման պատճառով համաճարակային իրավիճակն արդեն գնահատվում է լարված, քանի որ կորոնավիրուսի դեպքերի աճ է արձանագրվում։
«Արմենպրես»-ի հետ զրույցում այս մասին ասաց Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։
«Համեմատելով վերջին 14 օրվա դեպքերը նախորդ 14 օրվա հետ՝ տեսնում ենք, որ դեպքերի աճ կա։ Երեկ արձանագրել էինք 45 տոկոս դեպքերի աճ, այսօրվա վերլուծության արդյունքում պարզեցինք, որ 46 տոկոս է։ Վարակի վերարտադրողական ցուցանիշը մեկից բարձր է՝ 14 օրվա հաշվարկով՝ 1,1 է, իսկ յոթ օրվա հաշվարկով՝ 1,3, այսինքն՝ մոտակա յոթ օրում կարող ենք արձանագրել 2900-ից ավելի դեպք»,- նշեց Աբովյանը և հավելեց, որ ամբողջ աշխարհում էլ դիտվում է լարված իրավիճակ՝ պայմանավորված դելտա շտամով և Հայաստանն էլ բացառություն չէ, այստեղ ևս շրջանառվում է այդ շտամը։
Նրա խոսքով՝ ի տարբերություն մյուս շտամերի, դելտան կրկնակի ավելի արագ է տարածվում, ինչն էլ ավելի մտահոգիչ է դարձնում իրավիճակը։
Ռոմելլա Աբովյանը նշեց, որ չեն կարող ասել, թե Հայաստանում դելտա շտամով վարակման քանի դեպք է գրանցվել, քանի որ ընտրանքային հետազոտություն են իրականացնում, որպեսզի հասկանան, թե, որ շտամն է շրջանառվում: «Բոլոր հիվանդների մեջ կարող են լինել նաև դելտա շտամով վարակվածներ: Մենք յուրաքանչյուր պացիենտի չենք նմուշառում՝ հասկանալու համար նա վարակված է դելտա շտամով, թե ոչ, և դրա նպատակահարմարությունն էլ չկա»,- մանրամասնեց նա:
Անդրադառնալով հակահամաճարակային կանոններին՝ մասնագետն ընդգծեց, որ դելտա շտամի դեպքում դիմակ կրելն առավել արդյունավետ է և շեշտեց, որ այդ մասին հայտնում են նաև միջազգային կառույցներն ու ԱՀԿ-ն։
«Հնարավոր է սահմանափակումների ուժեղացում լինի՝ վարակի տարածման տեմպերը նվազեցնելու համար։ Ներկայում քննարկվում է կազմակերպություններում որոշակի սահմանափակումներ մտցնելու հարցը, լրացուցիչ կներկայացնենք, երբ հստակ կլինի ամեն ինչ։ Ամենաարդյունավետ կանխարգելիչ միջոցն այս պահին՝ պատվաստումներն են»,- եզրափակեց Ռոմելլա Աբովյանը։
ПОСЛЕДНИЕ ОТ АВТОРА
-
New2025-04-21 06:31Патриарх Московский и всея Руси Кирилл поздравил с Пасхой папу Римского Франциска, патриарха Коптского Тавадроса II, патриарха Сирийского Мар Игнатия Ефрема II, верховного патриарха и Католикоса Всех армян Гарегина II и глав других инославных церквей, сообщает РИА Новости.
-
New2025-04-21 06:26Армянским тяжелоатлетам Гарику Карапетяну и Симону Мартиросяну не нашлось равных на чемпионате Европы по тяжелой атлетике, проходящему в столице Молдовы Кишиневе.
-
New2025-04-21 06:22Папа Римский Франциск в своем традиционном пасхальном послании Urbi et Orbi («Граду и миру») пожелал скорейшего достижения мира на Южном Кавказе, сообщает Vatican News.
-
New2025-04-21 06:19Католикос всех армян Гарегин II в пасхальной проповеди призвал к единству и объединению вокруг национальной идентичности. Он также осудил «кампании против национальной и христианской идентичности и прошлого» армян.