2021-08-18 18:56
Информагентства
0
ՄԻՊ․ Գորիսում ձերբակալվածներին լուսանկարել են իրենց կամքին հակառակ
ՀՀ մարդու իրավունքների պաշտպանի ներկայացուցիչներն այսօր վաղ առավոտյան այցելել են Գորիսի համայնքապետարանից ձերբակալված ու Երևան տեղափոխված անձանց` Գորիս համայնքի ղեկավարի տեղակալներ Մենուա Հովսեփյանին և Իրինա Յոլյանին, սոցիալական հարցերի բաժնի գլխավոր մասնագետ և ֆինանսական բաժնի մասնագետ երկու կանանց: Տեղեկությունը հրապարակվել է ՄԻՊ–ի ֆեյսբուքյան էջում։
Այցի ընթացքում ձերբակալվածները պատմել են, որ իրենց բերման ենթարկելու համար ոստիկանության ծառայողները նախ փակել են Գորիսի համայնքապետարանի շենքի բոլոր մուտքերը, ապա դիմակավորված և ինքնաձիգներով զինված 20 ծառայող համայնքապետարանի շենքում իրականացրել են համայնքային ծառայողների ձերբակալումը և տեղափոխել Երևան։
Ամբողջ ճանապարհին ոստիկանները ևս եղել են դիմակներով և բերման ենթարկելու ողջ ընթացքում ձերբակալվածներին չեն ներկայացել։
Ոստիկանության այդ ծառայողներից բացի, 1 հոգի եղել է քաղաքացիական հագուստով, որն աչքի է ընկել ձերբակալվողների նկատմամբ ագրեսիվ պահվածքով:
Բացի այդ բերման ենթարկելու գործընթացը լուսանկարահանվել ու տեսանկարահանվել է բերման ենթարկվողների կամքին հակառակ։
Իսկ երբ կանանցից մեկը պահանջել է դադարեցնել նկարահանումը, ոստիկանները նշել են, որ եթե այդքան պահանջկոտ է, ուրեմն առաջինն իրեն են նկարահանելու:
ՄԻՊ–ը նաև հայտնում է, որ ազատությունից զրկված անձինք հնարավորություն չեն ունեցել փաստաբան հրավիրելու, զրկված են եղել զանգի իրավունքից։ Միայն կանանցից մեկի խնդրանքով նրան թույլ են տվել ընտանիքի անդամներից մեկին ուղարկել կարճ հաղորդագրություն, երբ գտնվել են մեքենայի մեջ։
Մարդու իրավունքների պաշտպանը երեկ ահազանգեր է ստացել նաև նրանցից մի քանիսի ազգականներից, որոնք ասել են, թե տեղյակ չեն, որտեղ են գտնվում իրենց հարազատները:
ՄԻՊ–ն արձանագրում է, որ ոստիկանության ծառայողների գործողությունները ուղղակիորեն խախտում են Մարդու իրավունքների եվրոպական դատարանի, Խոշտանգումների կանխարգելման եվրոպական կոմիտեի և միջազգային այլ կառույցների պահանջները:
Ձերբակալվածները ՄԻՊ ներկայացուցիչներին ասել են, որ չեն ընդունել իրենց ներկայացված մեղադրանքները:
Ձերբակալվածներից մեկը տղամարդ է, երեքը` կին, որոնցից մեկը 65 տարեկանից բարձր։ Երեք ձերբակալվածներն ունեն անչափահաս երեխաներ, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2024-11-26 04:58Российский политолог Василий Колташов прокомментировал Alpha News высказывания министра транспорта Турции Абдулкадира Уралоглу о необходимости проведения так называемого Зангезурского коридора.
-
New2024-11-26 04:52Двадцать девятый саммит ООН едва не завершился полным провалом: отпущенных двух недель не хватило, чтобы договориться, и делегаты почти 200 стран провели еще два дня и две ночи в переговорных, откуда выходили измотанными и злыми. В итоге в ночь на воскресенье компромисс был найден, но почти все остались недовольны, пишет BBC.
-
New2024-11-26 04:35Во всем мире побеждают национально-патриотические силы, однако нынешние армянские власти не разбираются в глобальных политических процессах и продолжают продвигать неолиберальные идеи. Такое мнение в программе Sputnik Армения "Абовян time" выразил профессор Стэнфордского университета, политолог-международник Артур ХАЧИКЯН.
-
2024-11-25 19:43Президент Республики Польша прибыл в Республику Армения.