2021-08-18 19:43
Информагентства
Սաղաթելյան․ Իրավիճակների շուրջ մեր մտահոգությունները չեն փարատվել (ՏԵՍԱՆՅՈՒԹ)
Արցախում և Հայաստանում տիրող իրավիճակների շուրջ մեր մտահոգությունները չեն փարատվել և մենք հսկայական ծավալի աշխատանք ունենք անելու։ Այս մասին այսօր՝ օգոստոսի 18–ին, ԱԺ–ում լրագրողների հետ զրույցում ասաց ԱԺ փոխնախագահ Իշխան Սաղաթելյանն՝ անդրադառնալով խորհրդարանում փակ ֆորմատով տեղի ունեցած հանդիպմանը, որը վերաբերում է սահմանային իրավիճակին։
«Մեր մտահոգությունները պայմանավորված են Հայաստանի սահմանին տիրող լարվածությամբ։ Թշնամին արդեն երեք ամիս է՝ ներխուժել է Հայաստանի սահման, ունենք գերիներ, զոհեր, վիրավորներ։Մեր մտահոգությունները չեն կարող փարատվել, որովհետև թշնամին շարունակում է մնալ Հայաստանի տարածքում։ Բազմաթիվ հարցեր ենք տվել ու պատասխաններ ստացել, դրանց մի մասը եղել է տեղեկատվական, որոշ հարցեր էլ հասկանալի պատճառներով ամբողջությամբ չեն մեկնաբանվել։ Կարծում եմ՝ նմանատիպ հանդիպումների անհրաժեշտություն մշտապես կա, ավելի բարձր մակարդակով պետք է լինեն այդ հանդիպումները։ Արցախում և Հայաստանում տիրող իրավիճակների շուրջ մեր մտահոգությունները չեն փարատվել և մենք հսկայական ծավալի աշխատանք ունենք անելու»,– ասաց Իշխան Սաղաթելյանը։
Նշենք, որ այդ հանդիպմանը մասնակցել է ԶՈՒ ԳՇ օպերատիվ գլխավոր վարչության պետ-ԶՈՒ ԳՇ պետ տեղակալ Էդվարդ Ասրյանը։
Հարցին, թե հանդիպմանը իշխանության կողմից ակնարկներ եղե՞լ են այն մասին, որ Ադրբեջանը հայտարարել է, թե պետք է խաղաղության պայմանագիր կնքվի և Արցախը ճանաչվի Ադրբեջանի մաս, հակառակ պարագայում պատերազմ է լինելու, Սաղաթելյանն ասաց, որ նման հարց չի քննարկվել։
«Արցախը երբեք չի կարող լինել Ադրբեջանի մաս, դա բացառվում է։ Օգտվելով ստեղծված իրավիճակից, թշնամի երկրի ղեկավարը փորձելու է այս ընթացքում ճնշումների, սադրանքների միջոցով հասնել իր ուզածին։ Թշնամու պահվածքը մեզ համար ակնհայտ է, խնդիրն այն է, որ թե մենք ինչ ենք ուզում, ինչպես ենք դիմագրվում, ինչ քայլեր ենք ձեռնարկում, սեղանին ինչ փաթեթ կա»,– հավելեց Սաղաթելյանը, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-07 08:05Военнослужащий одной из воинских частей Нарек Арманович Маргарян погиб в результате удара молнии, сообщает пресс-служба Минобороны Армении.
-
New2025-06-07 08:03Двое армянских подростков из Сюникской области, заблудившихся и оказавшихся на территории Азербайджана, переданы армянской стороне, сообщил Sputnik Армения глава общины Тех Давид Гулунц.
-
New2025-06-07 08:0226 июня в Минске на площадке IV Евразийского экономического форума состоится круглый стол, посвященный вопросам развития межгосударственной кооперации в агропромышленном комплексе. Об этом сообщает пресс-служба ЕЭК.
-
New2025-06-07 08:01В ближайшем будущем на участие в жилищной программе смогут подавать заявки арцахцы всех целевых групп, независимо от количества несовершеннолетних детей в семье и наличия лиц из других уязвимых групп. Об этом сообщает пресс-служба Совета по защите прав арцахцев, ссылаясь на итоги встречи экспертной рабочей группы Совета с представителями правительства Армении.