2021-08-23 12:59
Информагентства
Լարիսա ԱԼԱՎԵՐԴՅԱՆ. ԸՆԴԴԻՄՈՒԹՅՈՒՆԸ ՊԵՏՔ Է ԲՈՅԿՈՏԻ ԽՈՐՀՐԴԱՐԱՆԻ ԱՇԽԱՏԱՆՔԸ
Ընդդիմությունը պետք է բոյկոտի Հայաստանի խորհրդարանի աշխատանքը: Այս մասին օգոստոսի 23-ին լրագրողների հետ հանդիպմանն ասաց Հայաստանի առաջին օմբուդսմեն, իրավապաշտպան Լարիսա Ալավերդյանը:
Նրա խոսքով, խորհրդարանական ընդդիմությունը պետք է նման կտրուկ գործողությունների դիմի, եթե չի ստանում իր կողմից բարձրացված հարցերի հստակ պատասխանները:
Նա նշեց երկրի համար նման օրհասական պահին Ազգային ժողովում դեմագոգիայի մակարդակով քննարկումներ անցկացնելու անթույլատրելիությունը: «Ե՞րբ ենք խոսելու ժողովրդի անվտանգության ապահովման մասին: Ընդդիմությունը չպետք է խորհրդարան գնար: Այն, ինչ ասում են, անհասանելի է ներկայիս իշխանությունների կողմնակիցների համար, նրանց չեն լսում»,- հավելեց Ալավերդյանը:
Անդրադառնալով Սյունիքի մարզի համայնքների ղեկավարների նկատմամբ իրականացվող հետապնդումներին` նա նշեց, որ իշխանությունները ունակ չեն դիմակայել ադրբեջանցիների ագրեսիային, ուժ են կիրառում նրանց նկատմամբ, ովքեր պայքարել են թշնամու դեմ:
«Նրանք, ովքեր այս մարդկանց դեմ գործողություններ են կատարում, նպաստում են Հայոց ցեղասպանության ծրագրի իրագործման ավարտին»,- ընդգծեց իրավապաշտպանը:
Դիմելով Ոստիկանության աշխատակիցներին, ովքեր կոպտորեն ցրեցին Ալիխանյան եղբայրների փողոցի (ժողովրդի մեջ առավել հայտնի է որպես «Ֆիզգորոդոկ») բնակիչների բողոքի ակցիան՝ ընդդեմ 14 հարկանի շենքի կառուցման, Հայաստանի առաջին օմբուդսմենը կոչ արեց այդ ուժը կիրառել սահմանին՝ ադրբեջանցիների դեմ պայքարում:
Ալավերդյանը իրավապահներին կոչ արեց չկորցնել մարդկային դեմքը:
ПОСЛЕДНИЕ ОТ АВТОРА
-
New2025-06-02 11:13В Горисе стартовала 5-ая Конференция по децентрализованному сотрудничеству Армения-Франция.
-
New2025-06-02 11:09Азербайджанская пресса непрерывно пишет об атаках пашиняновской власти против Первопрестольного Святого Эчмиадзина, пишет секретарь фракции "Честь имею" Тигран Абрамян.
-
New2025-06-02 11:07Министерство внутренних дел Армении закупило 15 полицейских машин Volvo. Sputnik Армения ознакомился с контрактом.
-
New2025-06-02 11:01В аэропорту «Звартноц» болельщики встретили сборную Армении по спортивной гимнастике под руководством Акопа Серобяна. Команда вернулась на родину после триумфального выступления на чемпионате Европы.