Последние новости

Աֆղանստանում անհայտ անձինք ուկրաինական ինքնաթիռ են առևանգել

Ուկրաինայի փոխարտգործնախարար Եվգենի Ենինը հայտարարել է, որ անցյալ շաբաթ ուկրաինական ինքնաթիռը, որը պետք է տարհաներ ուկրաինացիներին Աֆղանստանից, առևանգվել է անհայտ անձանց կողմից, և դրանով այլ ուղևորներ են տեղափոխվել Իրան, տեղեկացնում է News.am:

Երկուշաբթի երեկոյան Աֆղանստանից տարհանված քաղաքացիներով երրորդ ինքնաթիռը ժամանել էր Ուկրաինա, օդանավում եղել է 98 ուղևոր, այդ թվում` Ուկրաինայի 41 քաղաքացի:

«Մեր ինքնաթիռն առևանգվել է այլ մարդկանց կողմից: Անցյալ երեքշաբթի մեզանից փաստացի ինքնաթիռ է առևանգվել. այն ուկրաինացիներին դուրս բերելու փոխարեն անհայտ ուղևորներով թռել է դեպի Իրան»,- ասել է Ենինը «Հրոմադսկե ռադիո»-յին, սակայն չի մանրամասնել, թե միջադեպն ինչպես է ավարտվել:

«Քաղաքացիներին տարհանելու մեր հաջորդ երեք փորձերը նույնպես անհաջող էին, քանի որ մեր ուղևորները չէին կարող օդանավակայանի տարածք հասնել»,- հավելել է Ուկրաինայի փոխարտգործնախարարը:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ