2021-08-27 15:07
Информагентства
Ֆիզիկայի գիտավանի բնակիչներից 2-ը հացադուլ են սկսել (ՏԵՍԱՆՅՈՒԹ)
Մենք պնդում ենք, որ քաղաքապետարանի կողմից մեզ տրամադրվի գործի հետ կապված պակաս տեղեկատվությունը: Չեմ դադարեցնելու իմ հացադուլը, մինչև այն չտրամադրվի, և այս շինարարությունը չկասեցվի, մինչև իրավական գործընթացների ավարտը: Այս մասին լրագրողների հետ զրույցում ասաց Ֆիզիկայի գիտավանի հացադուլ իրականացնող բնակիչը:
«Ոստիկանությունում այսօր ներկայացրել եմ այս քաղաքացիական գործի՝ Վերաքննիչ դատարանի վարույթում գտնվող բոլոր նյութերը, եղել եմ նաև շրջանի դատախազի մոտ և տվել եմ որոշակի պարզաբանումներ, կարծում եմ՝ այդ պարզաբանումներից ակնհայտ է, որ տեղի է ունեցել պաշտոնական լիազորությունների չարաշահում: Կան բավականաչափ հիմքեր քրեական գործ հարուցելու համար»:
Հարցին՝ ինչ հիմնավորմամբ քաղաքապետարանը տեղեկություն չի տրամադրում, բնակիչը նշեց.
«Առաջին օրը մեզ ներկայացրել են զավեշտալի պատճառաբանություններ, թե ինչու չի ներկայացվել: Մենք մատնանշել ենք, որ մեր հարցումը ներկայացված է եղել ոչ թե առանձին վարչությանը, այլ անմիջապես քաղաքապետին, այսինքն՝ նշանակություն չունի այս կամ այն բաժնում փաստաթուղթը արխիվացված է եղել, թե ոչ: Բացառում եմ սխալմունքի հետևանքնով թերի տեղեկատվություն տրամադրելու հիմնավորումը»:
Բնակիչը նշեց, որ իրենց փաստաբանին ծանուցագիր են ներկայացրել և կանչել զորահավաքին:
«Որքանով տեղյակ եմ, չի պահպանվել ծանուցման ժամկետը: Եկել են, ծանուցագիր ներկայացրել և ասել, որ մեկ օրվա ընթացքում պետք է լինի Գորիսում: Մեծ հավանականությամբ սա զուգադիպություն չէ»:
Նշենք, որ բնակիչներից մեկը ևս միացել է հացադուլին: Նշում են, որ միայն ջուր են օգտագործելու, մինչև իրենց պահանջները չկատարվեն, տեղեկացնում է Tert.am-ը:
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.