2021-08-28 11:36
Информагентства
0
ԹՈՒՐՔ-ԱԴՐԲԵՋԱԿԱՆ «ԱՆԱԿՈՆԴԱ» ՕՊԵՐԱՑԻԱՆ ՇԱՐՈՒՆԱԿՎՈՒՄ Է
Միջպետական ճանապարհի անցումը թնշնամու վերահսկողության տակ լրջագույն խնդիրներ է ստեղծում նաև մեր էներգետիկ անվտանգության համար: Այս մասին գրում է էներգետիկ ոլորտի փորձագետ Վահե Դավթյանը:
«Այսպես, այլեվս մեծ հարցականի տակ է հայտնվում Հյուսիս-Հարավ միջազգային էլեկտրաէներգետիկ միջանցքը, որը կոչված է փոխադարձ հոսեքեր ապահովել Իրանի, Հայաստանի, Վրաստանի ու Ռուսաստանի միջև: Սա է, թերևս, պատճառը, որ 2018-ի իշխանափոխությունից հետո գերդանդաղ տեմպերով է կառուցվում Իրան-Հայաստան էլեկտրահաղորդման 3-րդ օդային գիծը, իսկ Հայաստան-Վրաստան գծի կառուցման նախագիծն ընդհանրապես սառեցվեց: Այսպիսով, կյանքի է կոչվում Բաքվի կողմից տարիներ շարունակ մշակվող սցենարը, համաձայն որի Հյուսիս-Հարավ էլեկտրաէներգետիկ միջանցքն անցնում է կամ Ադրբեջանի տարածքով կամ էլ հայտնվում է Ադրբեջանի վերահսկողության տակ:
Մյուս ռիսկը վերաբերում է Իրան-Հայաստան գազամուղի հետագա շահագործմանը: Նոր ձևավորվող տրանսպորտային ճարտարապետության պայմաններում Հայաստանի ու Իրանի միջև գազատրանսպորտային հաղորդակցություններում հստակ դերակատարում է ստանձնելու Ադրբեջանը: Արդյունքում գազի այն սիմոլիկ ծավալները, որոնք մատակարարվում են Իրանից Հայաստան, կարող են ընդհանրապես դադարեցվել՝ վերջ դնելով նաև «էլեկտրաէներգիա գազի դիմաց՛» գեոտնտեսական նշանակության գործարքին:
Այս բացասական սցենարը հստակ պատկերացնում է նաև ռուսական «Գազպրոմը», ահա թե ինչու ս.թ. ապրիլին «Գազպրոմ Արմենիան» որոշում կայացրեց դադարեցնել երկրի խոշորագույն էներգաօբյեկտներից մեկի՝ Հրազդանի ՋԷԿ-ի 5-րդ էներգաբլոկի շահագործումը, որը նպատակահարմար է բացառապես Իրանի հետ նոր էլեկտրահաղորդման գծի կառուցման պարագայում:
Այսպիսով, Հայաստանը զրկվում է իր էներգետիկ համամակարգի դիվերսիֆիկացման հնարավորությունից: Իսկ առանց դիվերսիֆիկացիա չկա անվտանգություն:
Ի դեպ, խաղաղության պայմանագրի ստորագրման պարագայում Հայաստանի գազատրանսպորտային համակարգը Ադրբեջանից կախվածության մեջ է հայտնվում նաև հյուսիսային ուղղությամբ: Անկլավներ հռչակված հայկական տարածքների, մասնավորապես՝ Ոսկեպարի հանձնումը թշնամուն թույլ կտա վերջինիս վերահսկել Կարմիր կամուրջ-Սևքար-Բերդ մայրուղային գազատարը, որով Հայաստանը բնական գազ է ստանում Ռուսաստանից:
Այսպիսով, Բաքուն առանցքային դերակատար է դառնում միաժամանակ հայ-իրանական ու հայ-ռուսական էներգետիկ հաղորդակցություններում:
Թուրք-ադրբեջական «Անակոնդա» օպերացիան շարունակվում է: Հայաստանում տիրող անիշխանությունը, ռազմավարական սնանկությունն ու հասարակության՝ այս ամենին հարմարվելու ինքնամոռաց պատրաստակամությունը շարունակում է պարարտ հող հանդիսանալ ՛՛տարածաշրջանը՝ առանց Հայաստանի՛՛ ռազմավարության կյանքի կոչման համար»:
ПОСЛЕДНИЕ ОТ АВТОРА
-
New2024-11-22 13:28На заседании правления партии «Гражданский договор», состоявшемся во вторник, 19 ноября, единогласно было принято решение о том, что Овик Агазарян должен сложить депутатский мандат. Об этом пишет газета «Жоговурд» со ссылкой на свои источники.
-
New2024-11-22 13:24Недавние громкие отставки чиновников судебно-правовой сферы в Армении имели целью обеспечить граждан "зрелищем" на фоне неудач в ходе переговоров с Баку, иных задач у Никола Пашиняна нет. Такое мнение выразил бывший вице-спикер парламента, член исполнительного органа Республиканский партии Эдуард Шармазанов в ходе пресс-конференции на мультимедийной площадке Sputnik Армения.
-
New2024-11-22 12:53Палата депутатов Люксембурга приняла три резолюции, касающиеся нарушениий прав человека со стороны властей Азербайджана, неуважении демократических ценностей и ограничении гражданских свобод, а также об увольнении оппозиционных мэров и угрозе демократии в Турции.
-
New2024-11-22 12:49Visa на днях распространила релиз о том, что Visa Cashless Forum 2024 впервые пройдет в Ереване 22 ноября. При этом в релизе не были указаны час и место проведения форума.