2021-08-28 16:05
Информагентства
ԱՄՆ հետախուզությանը չի հաջողվել համաձայնության գալ կորոնավիրուսի ծագման շուրջ
ԱՄՆ-ի հետախուզական ծառայությունները երեքշաբթի նախագահ Ջո Բայդենին ներկայացրեցին կորոնավիրուսի ծագման վերաբերյալ իրենց զեկույցը, սակայն դրանում նրանց չի հաջողվել կոնսենսուսի գալ այն հարցի շուրջ` արդյոք վիրուսը ծագել է լաբորատոր պայմաններում, թե` բնական ճանապարհով: Այս մասին հայտնում է The Washington Post-ը՝ վկայակոչելով ամերիկյան իշխանությունների երկու ներկայացուցչի, փոխանցում է ՏԱՍՍ-ը:
Նրանց խոսքով` մի քանի օրվա ընթացքում հատուկ ծառայությունները պետք է պատրաստեն փաստաթղթի գաղտնազերծված տարբերակը` դրա հրապարակման համար: Այնուամենայնիվ, ըստ աղբյուրների, զեկույցը, չնայած, ուսումնասիրված տեղեկատվության հսկայական քանակին, վերջնական եզրակացություն չի տալիս վիրուսի ծագման վերաբերյալ:
Պարբերականի փոխանցմամբ` իշխանությունների ներկայացուցիչներից մեկը նշել է, որ ամերիկյան հետախուզական համայնքն «ամենալավ կերպով հագեցած չէ այս հարցի լուծման համար», քանի որ կորոնավիրուսի ծագման հաստատումն առաջին հերթին գիտնականների, այլ ոչ թե հետախույզների իրավասության շրջանակներում է:
Երկուշաբթի Սպիտակ տան մամուլի խոսնակ Ջեն Փսակին հայտնել էր, որ կորոնավիրուսի ծագման զեկույցի գաղտնազերծված տարբերակը պետք է հանրությանը ներկայացվի փաստաթուղթը Բայդենին հանձնելուց մի քանի օր անց: Նա նշել է, որ դեռ հստակ չի կարող ասել, թե ինչ տեսքով կներկայացվի այդ տարբերակը:
Բայդենը մայիսի վերջին հայտարարել էր, որ ԱՄՆ հետախուզական համայնքը չունի բավարար տեղեկատվություն` վստահորեն ասելու, թե ինչպես է սկսվել նոր կորոնավիրուսի տարածումը` վարակված կենդանու հետ մարդու շփումից, թե Ուհանի ինստիտուտի լաբորատորիայում հնարավոր միջադեպի պատճառով: Ամերիկացի առաջնորդը գաղտնի ծառայություններին հանձնարարե էր կրկնապատկել ջանքերը` առկա բոլոր տվյալներն ուսումնասիրելու և 90 օրում իր համար նոր զեկույց պատրաստելու համար, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-03 06:081 июня в Турции 33 организации, занимающиеся вопросами окружающей среды и прав человека, провели акцию в Игдыре, призывая к закрытию Мецаморской атомной электростанции (АЭС) в Армении, сообщает Ermenihaber. Участники акции отметили, что, несмотря на истечение срока эксплуатации Мецаморской АЭС в 2025 году, она продолжает функционировать.
-
New2025-06-03 06:05Российский меморандум по украинскому урегулированию содержит два варианта прекращения огня, сообщают РИА Новости и RT, в распоряжении которых оказался документ.
-
New2025-06-03 05:59В Баку состоялся очередной "суд" над пленными лидерами Нагорного Карабаха и другими армянами.
-
New2025-06-03 05:56Азербайджан значительно увеличил заказ на легкие многоцелевые истребители JF-17 Thunder – с первоначальных 16 до 40 машин. Стоимость сделки оценивается примерно в 4,2 миллиарда долларов.