2021-08-31 13:44
Информагентства
ՌԴ ԱԳՆ-ն ներկայացրել է Լավրով-Միրզոյան հանդիպման օրակարգային հարցերը
Ռուսաստանի Դաշնության արտաքին գործերի նախարարությունը ներկայացրել է ՌԴ ԱԳ նախարար Սերգեյ Լավրովի ու ՀՀ ԱԳ նախարար Արարատ Միրզոյանի այսօր՝ օգոստոսի 31-ին, կայանալիք հանդիպման օրակարգային հարցերը։ Մոսկվա այցը ԱԳ նախարարի պաշտոնում Արարատ Միրզոյանի առաջին օտարերկրյա այցն է։
ՌԴ ԱԳՆ-ում բանակցությունների ընթացքում նախատեսվում է քննարկել երկկողմ համագործակցության, արտաքին քաղաքականության փոխգործակցության հարցերի ամբողջ շրջանակը՝ ԵԱՏՄ-ի, ՀԱՊԿ-ի և ԱՊՀ-ի գծով, ՄԱԿ-ում, ԵԱՀԿ-ում, Եվրոպայի խորհրդում և այլ միջազգային կառույցներում դիրքորոշումների համաձայնեցումը: Տեղի կունենա միջազգային և տարածաշրջանային թեմաների շուրջ կարծիքների առարկայական փոխանակում: Կքննարկվի Ռուսաստանի արտաքին գործերի նախարարության և Հայաստանի ԱԳՆ միջև 2020-2021 թվականների խորհրդակցությունների ծրագրի իրականացման առաջընթացը:
Հանդիպման առանցքային թեմաներից մեկը կլինի Ադրբեջանի, Հայաստանի և Ռուսաստանի առաջնորդների 2020 թվականի նոյեմբերի 9-ի և 2021 թվականի հունվարի 11-ի համաձայնությունների կատարմանն առնչվող հարցերի ամբողջ շրջանակի քննարկումը:
Բովանդակային քննարկում կլինի Արցախում և հարակից շրջաններում հումանիտար խնդիրների, հայ-ադրբեջանական սահմանին իրավիճակի և Հարավային Կովկասում տնտեսական և տրանսպորտային կապերի ապաշրջափակման գործընթացի վերաբերյալ:
Նշվում է, որ այցը կլինի ռուս-հայկական հարուստ քաղաքական երկխոսության տրամաբանական շարունակությունը` «կենտրոնացած մեր երկրների միջև քաղաքական, առևտրային, տնտեսական, հումանիտար և այլ ոլորտներում սերտ համագործակցության հետագա զարգացման վրա, ներառյալ` հաշվի առնելով նոր իրողությունները, որոնք առաջացել են տարածաշրջանում ղարաբաղյան հակամարտության գոտում ռազմական գործողությունների ավարտից հետո»:
Ասվում է, որ ամենաբարձր մակարդակով ինտենսիվ երկխոսությունը դրական դինամիկա է ստեղծում ռուս-հայկական դաշնակցային փոխգործակցության համար, տեղեկացնում է Panorama.am-ը:
ПОСЛЕДНИЕ ОТ АВТОРА
-
New2025-04-21 11:16Министерство обороны Армении опровергло дезинформацию Минобороны Азербайджана о якобы обстреле азербайджанских позиций.
-
New2025-04-21 11:14Прошедшей ночью азербайджанские ВС стреляли в районе села Хнацах особенно интенсивно. Об этом сообщил Sputnik Армения один из жителей села.
-
New2025-04-21 11:11В результате несчастного случая безвременно ушел из жизни карабахский журналист, поэт Карен Ширинян. Об этом говорится в сообщении, распространенном на странице в «Facebook» агентства «Новости из Карабаха».
-
New2025-04-21 11:09Центральный банк Республики Армения 21 апреля 2025 года вводит в обращение золотую памятную монету «100-летие со дня рождения Джерарда Л. Гафесчяна».