2021-09-01 19:32
Информагентства
Քաջարանի ղեկավար Մանվել Փարամազյանի կալանքի ժամկետը 2 ամսով երկարաձգվեց
Երևան քաղաքի ընդհանուր իրավասության դատարանի որոշմամբ երկու ամսով երկարաձգվեց Սյունիքի մարզի Քաջարան համայնքի ղեկավար Մանվել Փարամազյանին կալանքի տակ պահելու ժամկետը։
Տեղեկությունը Facebook-ի իր էջում հայտնել է Փարամազյանի պաշտպան Լուսինե Սահակյանը։
Նրա խոսքով`այս անգամ նախապես կայացված քաղաքական որոշումը ստորագրելու «պատվին» արժանացել է դատավոր Մնացական Մարտիրոսյանը, իսկ Փարամազյանին վերագրվում են արարքներ, որոնք ոչ միայն օրինական չեն, այլև նա անգամ դրանց հետ առնչություն չունի։
«Դատարանին ներկայացված նյութերում, սակայն, առկա է մի շատ հետաքրքրական հանգամանք։ Պարզվում է, որ այս գործով հաղորդում ներկայացնող անձը ուղիղ կապի մեջ է գտնվում փոխվարչապետ Սուրեն Պապիկյանի ու ԱԺ ՔՊ-ական պատգամավոր Արմեն Խաչատրյանի հետ։ Հաղորդում ներկայացնողի խոսքով, այդ պաշտոնյաներն իրեն հատուկ հեռախոսահամարներ են տրամադրել արագ ու անարգել կապ հաստատելու համար»,–գրել է նա։
Պաշտպանի խոսքով` թե՛ քաղաքական հրահանգն իջեցնողին, թե՛ այդ հրահանգը հլու կատարողներին չի կանգնեցնում անգամ անազատության մեջ գտնվելու հետևանքով Փարամազյանի առողջությանն ու կյանքին սպառնացող վտանգը։
«Նրա մոտ ախտորոշվել է «քնի օբստրուկտիվ ապնոէ» ծանր աստիճանի հիվանդությունը։ Այդ հիվանդությամբ տառապող անձինք, այլ խնդիրներից բացի, մշտապես գտնվում են քնի ընթացքում շնչառության կանգ ունենալու վտանգի առջև։ Նման հիվանդությամբ տառապող անձինք քնելու ընթացքում ստիպված են օգտագործել հատուկ սարք ու գտնվել կողմնակի խնամքի տակ»,–գրել է նա։
Սահակյանի խոսքով` Փարամազյանի կյանքին սպառնացող վտանգը կանխելուն ուղղված միջոցներն անհնար է ձեռնարկել քրեակատարողական հիմնարկի պայմաններում։
Նշենք, որ Քաջարանի քաղաքապետ Մանվել Փարամազյանը կալանավորվել է հուլիսի 10-ին՝ երկու ամիս ժամկետով։ Նրան մեղադրանք է առաջադրվել ՀՀ քրեական օրենսգրքի 38-178-րդ հոդվածի (խարդախության օժանդակելը կամ կազմակերպելը), 311-րդ հոդվածի (կաշառք ստանալը) և 154.2-րդ հոդվածի (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը) հատկանիշներով։
Փարամազյանն առաջադրված մեղադրանքները չի ընդունում. գտնում է, որ այս ամենն իր նկատմամբ սանձազերծված քաղաքական հետապնդման շղթայի մի մասն է, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-06-11 05:56Таможенные службы Армении временно перестанут пропускать армянские грузовики в Грузию. Как передает пресс-служба Комитета госдоходов республики, решение об этом принято с учетом скопления машин на грузинских пропускных пунктах в последнее время.
-
New2025-06-11 05:52Азербайджанский суд вновь отклонил ходатайство Рубена Варданяна о предоставлении его семье копий обвинительного заключения. Об этом пишут азербайджанские СМИ.
-
New2025-06-11 05:44«Несколько десятков фур, перевозящих армянский коньяк, продолжают оставаться на контрольно-пропускном пункте Грузии. На данный момент ведутся переговоры, чтобы эти фуры также получили возможность передвижения». Об этом 10 июня, Новости Армении-NEWS.am сообщили в Минэкономики РА.
-
New2025-06-11 05:41Диалог между Тегераном и Вашингтоном по иранской ядерной программе не зашел в тупик, он продолжается, заявил замглавы МИД Ирана Маджид Тахт-Раванчи.