2021-09-08 12:05
Информагентства
Իրավաբան․ Ադրբեջանը պատասխանատվություն է կրում հայ գերիների համար
Գերիները գտնվում են նրանց գերեվարած պետության պատասխանատվության տակ։ Այս մասին հիշեցրել է իրավաբան Սիրանուշ Սահակյանը՝ ներկայացնելով օմբուդսմենի՝ ադրբեջանական գերության մեջ հայտնված հայերի հանդեպ անմարդկային վերաբերմունքին նվիրված զեկույցի դրույթները, տեղեկացնում է News.am-ը։
Իրավաբանն ընդգծել է, որ անկախ անմիջականորեն խախտմանը մասնակցածների անձնական պատասխանատվությունից, պետությունը պատասխանատվություն է կրում գերիների համար։ Գերիներն անմիջապես պետք է էվակուացվեն ճամբարներ, արգելված է նրանց բանտերում պահելը։ Մեկուսացման մեջ պահելը հնարավոր է միայն գերիների անվտանգության սպառնալիքի հիմնավորված առկայության դեպքում։ Ընդ որում՝ պայմաններն ավելի վատ չպետք է լինեն, քան այնտեղ ծառայություն իրականացնող զինվորականների պայմանները։ Պետությունը պարտավոր է օգնություն ցուցաբերել վիրավորներին։
«Ակտուալ է նաև բռնի անհետացման խնդիրը։ 10 ամիս անց Ադրբեջանի հսկողությանը ենթակա տարածքներում հայտնվածների ճակատագիրը դեռևս պարզված չէ։ Եվ այստեղ պատասխանատվություն կրում են պաշտոնատար անձինք, որոնց անգործության հետևանքով դա հնարավոր է դարձել»,- նշել է իրավաբանը։
Նա նշել է, որ համապատասխան ճամբարներ չեն ստեղծվել, նրանք բոլորը սկզբից ևեթ մեկուսացվել են արտաքին աշխարհից, ինչը բարձրացնում է խոշտանգումների և դրանց հետքերը թաքցնելու հավանականությունը։ Խոշտանգումների երեք հիմնական մարմինները՝ ՊՆ-ին կից ռազմական ոստիկանությունը, ԱԱԾ քննչական մեկուսարանը և արդարադատության նախարարության մեկուսարանները։ Գերիները զրկված են եղել սննդից, ջրից, քնից, հիգիենայի միջոցներից, ենթարկվել են կտտանքների, ծեծի։ ԱԱԾ-ում գործել են հատուկ բրիգադներ, ծեծել են մինչև գիտակցությունը կորցնելը։ Բոլոր մեթոդները ներկայացված են զեկույցում։
«Կա լուրջ ապացուցողական բազա, որ այդ երեք հաստատությունների ղեկավարությունները մասնակցել են խախտումների և խոշտանգումների իրականացմանը»,- ընդգծել է իրավաբանը՝ նշելով, որ ԵՄ-ում համապատասխան ոլորտը կարգավորող ակտը կարող է տարածվել Ադրբեջանի վրա։ Որպես պատժամիջոցներ նա նշել է առևտրային համագործակցության, ֆինանսավորման դադարեցման, զբոսաշրջային հաղորդակցությունների սահմանափակման և այլ հնարավորությունները։ «Մենք կարծում ենք, որ ԵՄ-ը այս առումով պետք է քայլեր ձեռնարկի»,- նշել է իրավաբանը։ Նրա խոսքով՝ ադրբեջանցի գործիչների հանդեպ Մագնիցկու ակտը նույնպես կարող է իր դերն ունենալ պատժամիջոցների կիրառման տեսքով։
ПОСЛЕДНИЕ ОТ АВТОРА
-
New2025-04-21 19:42Армянские школьницы завоевали четыре бронзовые медали на 14-й Европейской математической олимпиаде для девочек (EGMO), проходившей в Приштине, Республика Косово, сообщает Минобразования Армении.
-
New2025-04-21 19:38Армянский супертяжеловес Вараздат Лалаян выиграл золото чемпионата Европы по тяжелой атлетике в Кишиневе.
-
New2025-04-21 19:34Ночью ситуация была очень напряженной, постоянно стреляли из разных мест, в разных направлениях, даже с противоположных высот. Большая часть выстрелов была с командной позиции. Об этом заявил в беседе с корреспондентом Новости Армении – NEWS.am житель села Хнацах Грач Овакимян, говоря о постоянных обстрелах с азербайджанской стороны.
-
New2025-04-21 18:45В ночь с субботы на воскресенье в селе Хнацах Сюникской области Армении почти час звучали выстрелы. Военный эксперт Карен Вртанесян считает, что отсутствие ответных действий со стороны армянских военных только поощряет такое поведение азербайджанской стороны.