2021-09-16 09:18
Информагентства
Մասնագետները կուսումնասիրեն Ադրբեջանի կողմից ԽՍՀՄ սահմանների չճանաչման հարցը. Փաշինյան
Մասնագետները կուսումնասիրեն Ադրբեջանի կողմից խորհրդային սահմանները չճանաչելու հարցը: Այս մասին սեպտեմբերի 15-ին Ազգային ժողովի նիստում Կառավարության ժամին հայտարարեց ՀՀ վարչապետ Նիկոլ Փաշինյանը՝ պատասխանելով ընդդիմադիր «Հայաստան» դաշինքի պատգամավոր Արթուր Խաչատրյանի հարցին:
Պատգամավորը, մասնավորապես, անդրադարձավ 1991 թ. Ադրբեջանի Հանրապետության պետական անկախության վերականգնման մասին Սահմանադրական ակտին:
«ԽՍՀՄ կազմավորման վերաբերյալ 1922 թվականի դեկտեմբերի 30-ի պայմանագիրն անվավեր է Ադրբեջանին վերաբերող մասի ստորագրման պահից: Նախկին ԽՍՀՄ կազմում գտնվող ինքնիշխան պետությունների հետ հարաբերություններից բխող բոլոր հարցերը ենթակա են կարգավորման պայմանագրերի եւ համաձայնագրերի հիման վրա», - մեջբերեց խորհրդարանականը՝ մատնանշելով, որ սա Ադրբեջանի Հանրապետության պետական անկախության վերականգնման մասին ակտի 3-րդ հոդվածն է: Նա տարակուսանք հայտնեց, որ սահմանները որոշելիս կողմերն առաջնորդվում են Հայաստանի վարչատարածքային բաժանման մասին օրենքով:
Ի պատասխան՝ Փաշինյանը հայտարարեց, որ Հայաստանի իշխանությունները ավելի վաղ հայտարարել են Ադրբեջանի հետ սահմանի սահմանազատման եւ սահմանագծման պատրաստակամության եւ պայմանների մասին:
Ինչ վերաբերում է Խաչատրյանի հայտարարությանը, ապա, ըստ Փաշինյանի, մասնագետներն ուսումնասիրում են նրա ներկայացրած իրավական փաստարկները:
«Ձեր խոսքը եւս մեկ անգամ ուշադիր կլսեն: Եթե այն պարունակում է լրացուցիչ փաստեր, որոնք մենք պետք է հաշվի առնենք, ապա կանենք դա», - ասաց Փաշինյանը:
Այդուհանդերձ, վարչապետն այդպես էլ չպարզաբանեց, թե ինչու այս հայտնի փաստը մասնագետների կողմից նախկինում չի օգտագործվել:
News.am
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.