2021-09-23 15:47
Информагентства
Հայաստանում կխստացնեն ավոտմեքենաների վրա գազի բալոնների տեղադրման կարգը
ՀՀ կառավարությունը որոշել է խստացնել ավտոմեքենաների գազաբալոնային սարքավորումների շահագործման լիցենզիաների տրամադրման կանոնները:
Համապատասխան օրենքը մշակել է տարածքային կառավարման և ենթակառուցվածքների նախարարության ավտոմոբիլային տրանսպորտի քաղաքականության վարչությունը։ Դա արվում է գազաբալոնային սարքավորումների շահագործման ժամանակ անվտանգության մակարդակը բարձրացնելու և ողբերգական միջադեպերը կանխարգելելու նպատակով։
Վերջին երեք ամսվա ընթացքում Հայաստանում ավտոմեքենայի վրա տեղադրված բալոնի պայթյունի երկու դեպք է տեղի ունեցել։ Առաջինը տեղի է ունեցել հուլիսին Վրաստանի հետ սահմանին, զոհվել է վարորդը։ Եվս մեկ միջադեպ տեղի է ունեցել սեպտեմբերի 12-ին Երևանում, տուժել են երկու մարդ:
Ինչպես այսօր կայացածմամուլի ասուլիսի ընթացքում նշեց վարչության պետ Արայիկ Ստեփանյանը, օրենսդրական նախաձեռնության հեղինակները ցանկանում են միասնական պայմաններ սահմանել գազաբալոնային սարքավորումների ստուգմամբ և լիցենզավորմամբ զբաղվող կազմակերպությունների համար։
Օրենսդրական փոփոխություններով նախատեսվում է ստեղծել ավտոմեքենաների գազաբալոնային համակարգերի տվյալների էլեկտրոնային բազա: Դրանում կներառվի Հայաստանում գրանցված բոլոր մեքենաներում տեղադրված սարքավորումների մասին ամբողջական տեղեկատվություն, այդ թվում` բալոնային սարքավորումների հերթական տեխզննման մասին տվյալներ:
Նման միջոցառումները թույլ կտան արդյունավետ կերպով հետևել բալոնների վիճակին։ 2022 թ․-ի փետրվարից ուժի մեջ են մտնում "Վարչական իրավախախտումների մասին" օրենքում փոփոխությունները, որոնք վերաբերում են լիցենզավորող ընկերությունների կողմից հնարավոր խախտումներին:
Վարչական պատասխանատվության նպատակն է ընկերությանը պարտավորեցնել ավելի խիստ մոտենալ մեքենաների սեփականատերերին վկայականներ տրամադրելու կարգին և պայմաններին: Ընդ որում, նոր կանոնների համաձայն, մեքենաները չեն կարողանա լիցքավորվել առանց լիցենզավորող ընկերությունների կողմից դրական եզրակացության մասին համապատասխան փաստաթղթերի։
"Այս փոփոխություններով մենք ցանկանում ենք հասնել նրան, որ բոլոր մաշված, ոչ պիտանի դարձած բալոնները հանվեն շրջանառությունից։ Իսկ առկա բալոնների պարբերական ստուգումները թույլ կտան բարձրացնել անվտանգության մակարդակը գազաբալոնային սարքավորումների շահագործման ժամանակ",-հայտարարել Է Ստեփանյանը։
Տեխնիկապես գործընթացը հետևյալ տեսքը կունենա․ էլեկտրոնային տվյալների բազայի ստեղծումից հետո դրանց հասանելիություն կստանան բոլոր բենզալցակայանները: Մեքենան լիցքավորելուց առաջ կայանի աշխատողը պետք է մեքենան գտնի համակարգում՝ հավաքելով դրա պետհամարանիշը։
Համակարգում մեքենայի նույնականացումը թույլ կտա իմանալ, թե արդյոք մեքենան անցել է համապատասխան ստուգում, արդյոք դրա գազաբալոնային սարքավորումները համապատասխանում են նշված ցուցանիշներին: Միայն դրանից հետո մեքենան կարելի է լիցքավորել, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).