2021-09-24 15:00
Информагентства
Ընդդիմադիր պատգամավորները ՍԴ կդիմեն պատվաստման կամ թեստավորման պահանջի հարցով
Ազգային ժողովի ընդդիմադիր պատգամավորները Սահմանադրական դատարան կդիմեն հոկտեմբերի 1-ից կիրառվող առողջապահության նախարարի հրամանի առնչությամբ։ ԱԺ–ում լրագրողների հետ զրույցում հայտարարեց «Հայաստան» խմբակցության անդամ Արամ Վարդևանյանը։
Առողջապահության նախարարի օգոստոսի 20-ի հրամանով սահմանվել է, որ հոկտեմբերի 1-ից սկսած ՀՀ աշխատողները պարտավոր են գործատուին ներկայացնել կա՛մ COVID-19-ի դեմ պատվաստման սերտիֆիկատ, կա՛մ յուրաքանչյուր 14 օրը մեկ` COVID-19-ի ախտորոշման ՊՇՌ հետազոտության բացասական արդյունքը հավաստող առավելագույնը 72–ժամյա վաղեմությամբ փաստաթուղթ։
«Արդեն Ազգային ժողովի պատգամավորների 1/5-ի ստորագրություններն առկա են, և մենք շատ հայտնի, քննարկված և հանրության մի ստվար զանգվածին օբյեկտիվորեն զայրացրած առողջապահության նախարարի հրամանը ՍԴ–ում կբողոքարկենք։ ՍԴ–ին խնդրելու ենք նաև կասեցնել այդ հրամանի գործողությունը»,–ասաց Վարդևանյանը։
Նրա խոսքով` պատվաստումը կարևոր է, սակայն այն յուրաքանչյուրի գիտակցված որոշումը պետք է լինի։ Վարդևանյանը նշում է, որ եթե պետությունը հարկադրում է պատվաստվել կամ էլ ՊՇՌ թեստ հանձնել, ապա թող պետությունն էլ սուբսիդավորի այդ հետազոտման ծախսերը։
Նա հավելեց նաև, որ հավանաբար հենց այսօր իրենց դիմումը կներկայացնեն ՍԴ, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.