Последние новости

ԵԱՀԿ ՄԽ համանախագահները պետքարտուղարության ներկայացուցիչների հետ քննարկել են ԼՂ հակամարտությունը

ԱՄՆ պետքարտուղարի՝ Եվրոպայի և Եվրասիայի հարցերով գլխավոր տեղակալ Դերեկ Հոգանը և Եվրոպայի Ազգային անվտանգության խորհրդի եվրոպական հարցերով ավագ տնօրեն Ամանդա Սլոթը հանդիպել են ԵԱՀԿ ՄԽ համանախագահներ Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և Իգոր Խովաևի (ՌԴ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ, տեղեկացնում է News.am:

Կողմերը անցյալ շաբաթ ՄԱԿ-ի Գլխավոր ասամբլեայի շրջանակներում քննարկել են 2020 թվականի նոյեմբերից ի վեր Հայաստանի և Ադրբեջանի արտաքին գործերի նախարարների առաջին համատեղ հանդիպման անցկացմանն աջակցությունը: Նրանք նշել են, որ սեպտեմբերի 27-ը Լեռնային Ղարաբաղի հակամարտության գոտում ակտիվ ռազմական գործողությունների վերսկսման տարելիցն է և ցավակցություն են հայտնել երկու կողմերի կրած կորուստների կապակցությամբ: Ընդգծել են, որ միայն համապարփակ լուծումը, որով կդիտարկվեն բոլոր չլուծված խնդիրները, կարող է կարգավորել երկու երկրների հարաբերությունները և թույլ տալ տարածաշրջանի ժողովուրդներին միասին խաղաղ ապրել, հաղորդել է Պետդեպարտամենտի մամուլի ծառայությունը:

Հոգանն ու Սլոթը ողջունել են «համանախագահների ջանքերը և Հայաստանի ու Ադրբեջանի՝ խաղաղության գործընթացը ուղիղ երկխոսության միջոցով վերսկսելու վճռականությունը, որն ուղղված է տարածաշրջանում անվտանգության, կայունության և բարգավաճման խթանմանը»: Նրանք հայտարարել են Միացյալ Նահանգների հանձնառության մասին՝ «շարունակել աշխատել այլ համանախագահ երկրների հետ՝ օգնելու Հայաստանին և Ադրբեջանին լուծել Լեռնային Ղարաբաղի հակամարտությանը վերաբերող կամ դրանից բխող բոլոր չլուծված խնդիրները՝ ներառյալ ձերբակալվածների, անհայտ կորածների և մարդասիրական ականազերծման հետ կապված խնդիրները»:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ