2021-09-28 16:58
Информагентства
Արմեն Գևորգյան․ Դատական գործընթացը տեղի է ունենում անադեկվատության մթնոլորտում
Դատական գործընթացը տեղի է ունենում անադեկվատության մթնոլորտում։ Այս մասին լրագրողների հետ զրույցում ասաց ՀՀ նախկին փոխվարչապետ, ներկայումս «Հայաստան» խմբակցության պատգամավոր Արմեն Գևորգյանը՝ մեկնաբանելով այն, որ դատավոր Աննա Դանիբեկյանը թույլ չի տվել իրեն մեկնել Ստրասբուրգ՝ մասնակցելու ԵԽԽՎ նիստին։
Գևորգյանը հայտնեց, որ այսօր հայտարարություն կհրապարակի: «Խնդիրը հետևյալն է. ԵԽԽՎ նիստը տեղի է ունենում Ստրասբուրգում սեպտեմբերի 27-ից 30-ը: Օրակարգը հագեցած է, ես կասեի` հայկական օրակարգ, Հայաստանին վերաբերող մի քանի հարցեր: Որպես պատվիրակության անդամ՝ ես պատրաստվում էի մեկնել և դիմել եմ ՀՔԾ, փաստաթղթեր ներկայացրել։ Սեպտեմբերի 24-ին դատարանից մերժում եմ ստացել։ Դա բացատրվել է նրանով, որ ամսի 28-ին նիստ է տեղի ունենալու, և իմ ներկայությունն անհրաժեշտ է: Հաշվի առնելով ԵԽԽՎ այցի կարևորությունը՝ ես կրկին դիմեցի դատարան, այն նույնպես մերժվեց»,-ասաց նա։
Նա ընդգծեց, որ ԵԽԽՎ -ն միայն լիագումար նիստեր չեն․ դա պատվիրակությունների աշխատանքն է, աշխատանք քաղաքական խմբերում և հանձնաժողովներում: «Սա մեր պատվիրակության առաջին այցն էր: Ընդդիմության ներկայացուցիչները ներկայացված չէին դատավոր Դանիբեկյանի որոշման պատճառով»,-նշեց Գևորգյանը։
«Հիմա հարցը հետևյալն է. եթե դատավորը կարող է նիստը հետաձգել իր վերապատրաստման դասերի պատճառով, ինչու չի կարող հետաձգել ԵԽԽՎ-ի պատճառով։ Պատասխանը ես գիտեմ․ գործընթացն ընթանում է անադեկվատ մթնոլորտում»,-հավելեց Գևորգյանը, տեղեկացնում է News.am-ը։
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.