2021-09-29 12:45
Информагентства
0
ՄԻՊ–ը երեխաների իրավունքների վերաբերյալ 485 դիմում–բողոք է ստացել
2021 թվականի 9 ամիսների ընթացքում Մարդու իրավունքների պաշտպանի աշխատակազմ է ստացվել երեխաների իրավունքների վերաբերյալ 485 գրավոր և բանավոր դիմում-բողոք 753 անձից, տեղեկացնում է ՄԻՊ լրատվականը։
Նշվում է, որ դիմում-բողոքները հիմնականում վերաբերել են խնամակալության և հոգաբարձության հանձնաժողովների գործունեությանը, երեխայի՝ ծնողի հետ շփվելու իրավունքի իրացմանը, երեխայի կրթության իրավունքի իրացման ապահովմանը և այլն:
Պաշտպանին են հասցեագրվել ՀՀ ԱՆ հարկադիր կատարումն ապահովող ծառայությունում հարուցված կատարողական վարույթների ընթացքում երեխաների լավագույն շահերով չառաջնորդվելու, կատարողական թերթի պահանջների պատշաճ կատարումը չապահովելուն վերաբերող դիմում-բողոքներ:
Խնամակալության և հոգաբարձության մարմինների գործունեությանը վերաբերող բողոքներով բարձրացված խնդիրներն ունեն համակարգային բնույթ և տարիներ շարունակ չեն ստանում լուծում: Խնդիրները հիմնականում վերաբերում են ԽՀՀ-ների կողմից անգործություն ցուցաբերելուն, նրանց կողմից իրենց լիազորությունները ոչ պատշաճ իրականացնելուն, տրված եզրակացությունների և կայացված որոշումների իրավաչափությանը, ինչպես նաև վերջիններիս կողմից երեխայի՝ իր ծնողի, տատերի, պապերի և այլ ազգականների հետ շփվելու, ծնողների դաստիարակությունը ստանալու իրավունքների իրացումը չապահովելուն կամ ոչ պատշաճ ապահովելուն:
Մարդու իրավունքների պաշտպանի աշխատակազմում, օրենքով սահմանված կարգով, պատշաճ ընթացք է տրվել ստացված դիմում-բողոքներին՝ ապահովելու համար դրանցով բարձրացված համակարգային և անհատական բնույթի խնդիրների հնարավոր լուծումը, ինչպես նաև հետագայում նման խնդիրների բացառումը:
Դիմում-բողոքների ուսումնասիրության և քննարկման ընթացքում Պաշտպանի աշխատակազմը համագործակցել է պետական և տեղական ինքնակառավարման իրավասու մարմինների հետ:
Բացի այդ, Պաշտպանը տվյալ մարմիններից, ըստ անհրաժեշտության, պահանջել է պարզաբանումներ բարձրացված խնդիրների վերաբերյալ, ինչպես նաև օրենքով սահմանված կոնկրետ միջոցների ձեռնարկում, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2024-09-24 14:57Число погибших в результате израильских авиаударов по поселениям на юге и востоке Ливана в понедельник выросло до 558. Об этом сообщил журналистам министр здравоохранения при временном правительстве Ливана Фирас Абъяд.
-
New2024-09-24 14:54За это время все недостатки, ошибки, даже неудачи – мои, а успехи, достижения и победы – ваши. Об этом в ходе своего видеообращения заявил архиепископ Баграт Галстанян.
-
New2024-09-24 14:49Компании из Армении, а также других стран ЕАЭС и не входящего в организацию Узбекистана смогут торговать на новой бирже ЕАЭС+. SputnikLive, вместе с директором Института социально-экономических исследований Алексеем Зубцом, разбирался в специфике работы новой биржи.
-
New2024-09-24 14:45Наше достоинство и крест всех армян сегодня - это плененный Арцах. Об этом заявил во время открытия мемориала «Зов Арцаха» в военном пантеоне «Ераблур» 24 сентября глава Арцахской епархии, епископ Вртанес Абрамян.
