Երեքուկես տարում բանակում մահացել է 144 զինվոր
Վերջին երեքուկես տարում բանակում արձանագրվել է զինծառայողների՝ ծառայության հետ կապված 144 մահվան դեպք, որից միայն 86–ը՝ 2020–ի ընթացքում և 2021–ի ութ ամիսներին։ Այս մասին News.am–ը տեղեկանում է՝ ամփոփելով գրավոր հարցմանն ի պատասխան դատախազությունից ստացված տվյալները։ Նշենք, որ ներկայացված ցուցանիշում ներառած չեն 2020թ. պատերազմական գործողությունների ընթացքում արձանագրված մահվան դեպքերը։
Այսպես.
2018 թվականի ընթացքում արձանագրվել է 38 զինծառայողների՝ ծառայության հետ կապված մահվան դեպք, որոնցից 7-ը՝ հակառակորդի կողմից կատարված սպանություններ, 1-ը՝ սպանություն, 11-ը՝ ինքնասպանություններ և ինքնասպանության հասցնելու դեպքեր, 6-ը՝ ծառայության հետ կապված ավտովթարներ, 2-ը՝ զենքի օգտագործման կանոնների խախտման հետևանքով տեղի ունեցած դեպքեր, 3-ը՝ հիվանդությունների հետևանքով մահվան դեպքեր, 2-ը՝ մարտական ծառայություն կրելու կանոնների խախտումներ, 1-ը՝ ականի պայթյուն, 3-ը՝ դժբախտ պատահարներ, 2-ը՝ թռիչքների կամ դրանց նախապատրաստման կանոնների խախտումներ։
2019 թվականի ընթացքում արձանագրվել է 20 զինծառայողների՝ ծառայության հետ կապված մահվան դեպք, որոնցից 4-ը՝ հակառակորդի կողմից կատարված սպանություններ, 4-ը՝ սպանություն, 7-ը՝ ինքնասպանություններ և ինքնասպանության հասցնելու դեպքեր, 1-ը՝ ծառայության հետ կապված ավտովթար, 1-ը՝ զենքի օգտագործման կանոնների խախտման հետևանքով տեղի ունեցած դեպք, 1-ը՝ հիվանդության հետևանքով մահվան դեպք, 2-ը՝ դժբախտ պատահարներ։
2020 թվականի ընթացքում արձանագրվել է 60 զինծառայողների՝ ծառայության հետ կապված մահվան դեպք, որոնցից 22-ը՝ հակառակորդի կողմից կատարված սպանություններ (ընդ որում 5-ը վիրավորումը ստացել են 44-օրյա պատերազմի ժամանակ), 4-ը՝ սպանություն, 13-ը՝ ինքնասպանություններ և ինքնասպանության հասցնելու դեպքեր, 7-ը՝ ծառայության հետ կապված ավտովթար, 3-ը՝ զենքի օգտագործման կանոնների խախտման հետևանքով տեղի ունեցած դեպքեր, 5-ը՝ հիվանդության հետևանքով մահվան դեպքեր, 1-ը՝ մարտական ծառայություն կրելու կանոնների խախտման դեպք, 1-ը՝ ականի պայթյուն, 4-ը՝ դժբախտ պատահարներ։
2021 թվականի հունվարի 1-ից օգոստոսի 31-ն ընկած ժամանակահատվածում արձանագրվել է 26 զինծառայողների՝ ծառայության հետ կապված մահվան դեպք, որոնցից 9-ը՝ հակառակորդի կողմից կատարված սպանություններ (ընդ որում 2-ը վիրավորումը ստացել են 44-օրյա պատերազմի ժամանակ), 3-ը՝ սպանություն, 4-ը՝ ինքնասպանություններ և ինքնասպանության հասցնելու դեպքեր, 4-ը՝ ծառայության հետ կապված ավտովթարներ, 1-ը՝ զենքի օգտագործման կանոնների խախտման հետևանքով տեղի ունեցած դեպք, 2-ը՝ հիվանդության հետևանքով մահվան դեպքեր, 1-ը՝ մարտական ծառայություն կրելու կանոնների խախտման դեպք, 2-ը՝ դժբախտ պատահարներ։
Նկատենք, որ վերջին երեքուկես տարում բանակում ծառայության հետ կապված մահվան դեպքերի թիվը նվազել է 2019–ին, ապա 2020–ին՝ կտրուկ աճել։ Ընդ որում՝ 2020–ին աճել է ոչ միայն հակառակորդի կողմից կատարված սպանությունների, այլև ինքնասպանությունների և ինքնասպանության հասցնելու, ավտովթարների, հիվանդության հետևանքով մահվան, ինչպես նաև դժբախտ պատահարների հետևանքով մահվան դեպքերի թիվը։ Իսկ ինչ վերաբերվում է 2020–ի սեպտեմբերի 27–ից նոյեմբերի 9–ն ընկած ժամանակահատվածում զոհված զինծառայողների տվյալներին, դատախազությունից տեղեկացրել են, որ այդ մասով ներկայումս վերջնական տեղեկատվություն տրամադրել հնարավոր չէ, քանի որ զոհված զինծառայողների տվյալները պարբերաբար լրացվում են։
ПОСЛЕДНИЕ ОТ АВТОРА
-
2025-06-14 14:06
Российская сторона выражает признательность Азербайджану за оказанное содействие в возвращении на родину российских граждан, пребывавших в Иране в момент атаки Израиля. Об этом говорится в сообщении МИД РФ.
-
2025-06-14 14:03
Армия обороны Израиля (ЦАХАЛ) расширяет масштабы военной операции против ядерной программы Ирана и наносит удары по десяткам военных объектов. Об этом заявил советник канцелярии израильского премьера Бениамина Нетаньяху Дмитрий Гендельман.
-
2025-06-14 14:02
Депутат Государственной Думы и директор Института стран СНГ Константин Затулин прокомментировал усиливающуюся антироссийскую риторику Азербайджана. В интервью изданию «Свободная пресса» он отметил, что официальный Баку, используя любые поводы, стремится дискредитировать российскую позицию, особенно в контексте карабахского конфликта.
-
2025-06-14 13:59
В Израиле среди армян, к счастью, пострадавших нет. Об этом Новости Армении-NEWS.am сообщил архимандрит (вардапет) Эммануэл Атаджанян.