2021-10-02 16:55
Информагентства
Վարդան ՈՍԿԱՆՅԱՆ․ «ՄԻՋԱՆՑՔԻ» ՄԱՍԻՆ ԹՈՒՐՔԻԱՅԻ ԵՎ ԱԴՐԲԵՋԱՆԻ ԵՐԱԶԱՆՔԸ ՊԵՏՔ Է ԹԱՂՎԻ ԽԱՆՁԱՐՈՒՐՈՒՄ
««Միջանցքը»՝ Թուրքիայի և Ադրբեջանի այդ երազանքը, պետք է թաղվի խանձարուրում։ Ոչ մի պարագայում Սյունիքի մարզը և Հայաստանի Հանրապետությունն ընդհանրապես, չպետք է դառնա թուրք-ադրբեջանական դաշինքի համար վասալական կախվածության մեջ գտնվող կամուրջ։ Նրանք շատ են երազում այդ մասին՝ ոչ միայն պանթուրանիզմի, թյուրքականության գաղափարախոսության տիրույթում, այլև՝ զուտ պրագմատիկ նպատակներով»,- 5-րդ ալիքի եթերում ասել է իրանագետ Վարդան Ոսկանյանը։
Իրանագետը Թուրքիայի պրագմատիկ ու հեռագնա ծրագրերից մեկը համարել է Իրանի շահերի անտեսմամբ կարևորագույն ռեսուրսների տիրանալն ու դրանք հսկայական եկամուտների վերածելը։
««Միջանցքն», ըստ էության, Թուրքիային պետք է՝ հասնելու համար Կենտրոնական Ասիա և տիրանալու Կենտրոնական Ասիայի ածխաջրածնային ռեսուրսներին։ Այսինքն՝ Թուրքիայի հեռագնա ծրագիրը եվրոպական երկրների համար նավթագազային հանգույցի կարգավիճակ ստանալն է, որը Թուրքիային կբերի հսկայական եկամուտներ։ Էրդողանն ունի պրագմատիկ, հեռագնա ծրագրեր, որոնք խաթարում են Իրանի կենսական շահերը, որովհետև Իրանն է պատրաստվում եվրոպացիաների համար դառնալ ածխաջրածնային ռեսուրսների մատակարարման գործընթացում կարևորագույն դերակատար։ Բացի այդ, Իրանը բացում է ճանապարհ դեպի Միջերկրական ծով։ Հետևաբար, այս համատեքստում, Իրանի հյուսիս-արևմուտքը Հայաստանից կտրելու բոլոր փորձերն ուղղակի հակասության մեջ են իրանական շահերի հետ»,-ասել է Վարդան Ոսկանյանը։
Նա ակնհայտ է համարել Սյունիքի նկատմամբ թուրք- ադրբեջանական նկրտումների հակադրությունը նաև ռուսական շահերին, Հայաստանից ևս պրագմատիկ մոտեցում է ակնկալել՝ «խաղաղության դարաշրջանում» ճիշտ հաշվարկելու ճանապարհների ապաշրջափակման գործընթացի ռիսկերը։
«Ոչ մի պարագայում Ադրբեջանն ու Թուրքիան չեն ուզենա տեսնել հզոր Հայաստան։ Հետևաբար, տարբեր կողմերի հռետորաբանության բոլոր շռայլումները, թե «խաղաղության դարաշրջանի» արդյունքում մենք կդառնանք ծաղկող, փթթող երկիր, թուրքական կապիտալ կգա, ըստ էության, որևէ աղերս չունեն իրականության հետ։
Այն մարդկանց, որոնց թվում է, թե թուրքական կապիտալի հսկայական ներհոսք կլինի Հայաստան, այդպես չէ․ կլինի այնքան ներհոսք, որքան անհրաժեշտ է՝ Հայաստանը վասալական կախվածության մեջ պահելու համար»,- շեշտել է Վարդան Ոսկանյանը։
ПОСЛЕДНИЕ ОТ АВТОРА
-
2025-06-05 19:56Премьер-министр Никол Пашинян, возмущенный публикацией во французской прессе о том, что он купил в этой стране особняк стоимостью более 3 миллионов евро, на сегодняшнем заседании правительства вновь выступил с обвинениями в адрес второго президента Армении Роберта Кочаряна.
-
2025-06-05 19:55По итогам переговоров грузинские таможенные службы пропустили в Россию 52 армянские фуры с алкоголем (коньяка и вина). Об этом заявил министр экономики Армении Геворк Папоян, на обсуждении отчета о выполнении госбюджета за 2024 год.
-
2025-06-05 19:52Школы и детские сады закрываются по всей Армении. Об этом написала на своей странице в Facebook супруга экс-главы МИД Армении Нани Осканян, касаясь сегодняшнего заявления премьер-министра РА Никола Пашиняна о том, что в свое время в Дилижане последней было предоставлено здание детсада.
-
2025-06-05 19:49Новый КПП в Мегри, на границе с Ираном, строящийся на кредит Европейского Банка реконструкции и развития, готов лишь на 11,5%. Об этом заявил председатель парламентской комиссии по региональной и евразийской интеграции Вагаршак Акопян в ходе обсуждения отчета о выполнении госбюджета Армении за 2024 год.