Последние новости

Սուրենյանն աշունը ձմռան է «վերածում»

ՇՄՆ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը Facebook–ի իր էջում հայտնել է, որ հոկտեմբերի 5-ի երեկոյան ժամերին, 6-ին լեռնային շրջաններում, Լոռիի, Տավուշի, Սյունիքի նախալեռներում տեղումները կդիտվեն թաց ձյան տեսքով։

«Օդի ջերմաստիճանը հոկտեմբերի 5-ին և 6-ին կնվազի 8-10 աստիճանով»,–գրել է նա։

Սուրենյանի գրառումն ինչպես միշտ ուղեկցվել է հումորային մեկնաբանություններով։ Մեկը նրան մեղադրել է «ծնունդը հարամ անելու» համար, մյուս բողոքել, թե Սուրենյան ինչ ես անում «գուլպա ու սապոգ չունենք»։ ««Սուրենյան ջան լավ էլի, էս ի՞նչ ես անում։ Ախր քիթս նորա սկսում լավանալ, խի ես մառոզ անում», «Կոմպոտ կբացենք»»,–գրել են նրանք։

ՀՀ ԱԻՆ «Հիդրոմետ» ծառայությունից էլ երեկ հայտնել էին, որ հանրապետության տարածքում հոկտեմբերի 4-6-ը շրջանների զգալի մասում, 7-8-ն առանձին շրջաններում սպասվում են տեղումներ, տեղեկացնում է Sputnik Արմենիա:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ