Последние новости

Գեղամ Նազարյան. ԱԱԾ տնօրենին արգելել են մեզ հետ հանդիպել, սա Փաշինյանի ձեռագիրն է

Հայաստանի ԱԱԾ տնօրենին արգելել են մեզ հետ հանդիպել, սա Նիկոլ Փաշինյանի ձեռագիրն ու քմահաճույքն է, ով փորձում է վարկաբեկել խորհրդարանը և ցույց տալ, որ բոլոր խնդիրները ինքն է լուծում: Այս մասին հոկտեմբերի 5-ին լրագրողների հետ զրույցում ասաց «Հայաստան» դաշինքի պատգամավոր Գեղամ Նազարյանը:

«Ավելին, ԱԱԾ-ից ասել են, որ իրենք իրավասու չեն պատասխանել սահմանների վերաբերյալ հարցերին»,- հավելեց նա:

Ինչ վերաբերում է այն իրավիճակին, երբ չի հաջողվում «Հայաստան» դաշինքից պատգամավոր Արթուր Ղազինյանին ընտրել պաշտպանության և անվտանգության հարցերի խորհրդարանական հանձնաժողովի նախագահի տեղակալի պաշտոնում, ապա նման շոուները, նրա համոզմամբ, իշխանությունները կազմակերպվում են հասարակության ուշադրությունը շեղելու և 44-օրյա պատերազմի հանգամանքների ուսումնասիրման հանձնաժողովի ձևավորումը խափանելու համար:

«Իշխանությունները ցանկանում են թույլ չտալ անցնել Սյունիքին, ճանապարհներին, սահմանին վերաբերող հարցերի քննարկմանը, նրան, թե ինչու դեկտեմբերին զորքերը հետ քաշվեցին Իրանի հետ ճանապարհի հատվածից»,- պարզաբանեց Նազարյանը:

Պատգամավորը չբացառեց, որ այսուհետ ևս շարունակելու են այս պաշտոնում առաջադրել Ղազինյանի թեկնածությունը, տեղեկացնում է News.am:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ