2021-10-08 11:47
Информагентства
«Ժողովուրդ»․ ՔԱՂԱՎԻԱՑԻԱՅԻ ԿՈՄԻՏԵՆ ԴԵՌ ԱՈՒԴԻՏ ՉԻ ԱՆՑԵԼ. ԹԵՐՈՒԹՅՈՒՆՆԵՐԸ ՎԵՐԱՑՐԵ՞Լ ԵՆ
Նախորդ տարի ՀՀ քաղաքացիական ավիացիայի կոմիտեն Ավիացիոն անվտանգության եվրոպական գործակալության (EASA) կողմից աուդիտ չէր անցել։ Պարզվում է՝ այս գործընթացի շուրջ դեռ առարկայական տեղաշարժ չկա։ Այս մասին գրում է «Ժողովուրդ» օրաթերթը։
ՔԱԿ-ի ու Ավիացիոն անվտանգության եվրոպական գործակալության հետ հանդիպումը կկայանա հաջորդ տարվա փետրվարին:
«Ժողովուրդ»–ին քաղավիացիայի կոմիտեի թռիչքային պիտանիության վարչության պետ Կարեն Գյուրջյանը հայտնել է, որ հարցազրույց են ունեցել Ավիացիոն անվտանգության եվրոպական գործակալության հետ և վերջիններս իրենց կայքում գրել են, որ առաջընթաց կա։
«Այդ գործընթացը բավականաչափ երկար է. սկզբից վեր են հանվում հիմնապատճառները, թե որոնք են եղել, որ այդ թերությունները արձանագրվել են, հետո կազմվում է ծրագիր՝ ինչպես ենք մենք դուրս գալու այդ վիճակից, ինչպես ենք այդ թերությունները վերացնելու, ժամանակացույցն ենք կառուցում, թե ինչպես պետք է դա անենք, ու իրականացվում է դրանց վերացումը: Ապա համաձայնեցնում ենք իրենց հետ»,- պարզաբանել է Գյուրջյանը՝ հավելելով, որ թերությունները վերացվել են:
Տեղեկացնենք, որ աուդիտը ներառում է ամեն ինչ` սկսած ինքնաթիռի անիվների մաշվածությունից, վերջացրած օդաչուների պատրաստվածության մակարդակը ստուգելով։
Հիշեցնենք, որ EASA-ի մասնագետները կոմիտեում նախորդ տարվա փետրվարին էին աուդիտ իրականացրել։ Արդյունքում մի շարք թերություններ էին հայտնաբերել, որոնք գերազանցել են 50 էջը։
Հավելենք, որ ԵՄ գործադիր մարմինը՝ Եվրահանձնաժողովը, 2020-ի հունիսի սկզբին հայտնել է ԵՄ ավիացիոն թարմացված «սև ցուցակի» մասին, որում առաջին անգամ ընդգրկվել էր նաև Հայաստանը՝ իր բոլոր ավիափոխադրողներով:
Սա շատ մեծ ձախողում էր Հայաստանի ավիացիոն իշխանությունների համար: «Սև ցուցակը» պարբերաբար թարմացնում է Եվրահանձնաժողովը՝ հիմնվելով ԵՄ ավիացիոն անվտանգության կոմիտեի մասնագետների կարծիքի վրա:
ПОСЛЕДНИЕ ОТ АВТОРА
-
New2025-07-18 15:56Армения может выйти из Организации Договора о коллективной безопасности (ОДКБ) в феврале 2026 года, сообщает онлайн-ресурс hraparak.am, ссылаясь на свои источники.
-
New2025-07-18 15:53Перспективы разблокирования транспортных коммуникаций в регионе обсудили вице-премьер Армении Мгер Григорян и посол Ирана Мехди Собхани.
-
New2025-07-18 15:50«Правящая партия «Грузинская мечта», будучи «политической командой, подотчетной грузинскому народу и ответственной за мир и стабильность», выступила с заявлением, где в очередной раз «подробно разъяснила общественности скрытые и не видимые на поверхности политические мотивы враждебной кампании против Грузии», - говорится в заявлении партии, которое зачитал премьер-министр Ираклий Кобахидзе.
-
New2025-07-18 15:47Первый вице-премьер правительства Азербайджана Ягуб Эюбов не приедет в Москву на заседание Экономического совета Содружества независимых государств (СНГ). Об этом изданию Trend сообщил осведомленный источник.