2021-10-12 19:43
Информагентства
Փորձագետ. Ադրբեջանի և Իրանի միջև ռազմական գործողությունների հավանականությունը ցածր է մնում
Ադրբեջանի և Իրանի միջև ռազմական գործողությունների հավանականությունը ցածր է մնում, սակայն Լեռնային Ղարաբաղում անցյալ տարվա պատերազմից հետո երկարատև լարվածությունը ջրի երես է դուրս գալիս: Այս մասին Ahval-ի Turkey Abroad նյութում հայտարարել է Միջազգային հարաբերությունների և անվտանգության գերմանական ինստիտուտի (SWP) հրավիրված գիտաշխատող Համիդռեզա Ազիզին:
«Ցանկացած կտրուկ ռազմական սրացում կարող է հանգեցնել Թուրքիայի ներգրավման վտանգի»,- ասել է նա: Ըստ Ազիզիի, Հարավային Կովկասում Թուրքիայի դիրքերի ամրապնդումը Իրանի մոտ մտահոգություններ է առաջացնում: Չնայած տարածաշրջանային տնտեսական համագործակցության խոստումներին, որը կներառի Իրանը, թուրքական ընկերությունները ստանձնել են Լեռնային Ղարաբաղում վերականգնման ծրագրերի առյուծի բաժինը՝ Թեհրանին թողնելով մի կողմ:
Իրանական զորավարժությունների նախօրեին և դրանցից հետո Թուրքիան միացավ Ադրբեջանին՝ Պակիստանի հետ նրա զորավարժություններում: Ազիզին ասում է, որ համատեղ ռազմական զորավարժությունները «չեն օգնում տարածաշրջանում կայունության ապահովմանը»՝ Իրանի տեսանկյունից, իսկ Պակիստանի զորքերի մասնակցությունը կարող է դիտվել որպես տարածաշրջան այլ արտաքին ուժերի հրավիրման ազդանշան:
Նրա խոսքով՝ Իրանը Թուրքիայի և Պակիստանի մասնակցությունը դիտարկում է որպես Կասպից ծովում միջազգային իրավունքով Ադրբեջանի ստանձնած պարտավորությունների խախտում, որն արգելում է ոչ առափնյա պետությունների ռազմական գործողությունները:
Ազիզին ասել է, որ Իրանը Թուրքիային, որպես անվտանգության սպառնալիք, Իսրայելի հետ նույն մակարդակի վրա չի դնում, և Ադրբեջանի հետ նրա սերտ կապերը նորություն չեն: Սակայն Թուրքիայի հետ մրցակցությունը ստանում է ավելի լայն ռազմավարական ենթատեքստ, և Իրանը կարծում է, որ Լեռնային Ղարաբաղի պատերազմից հետո Անկարան տարածաշրջանում ավելի ուժեղ դիրքերում կհայտնվի:
Նա նշել է, որ Արևելքի և Արևմուտքի միջև առևտրի համար տարանցիկ ճանապարհ ծառայելու Թուրքիայի ձգտումը այնպիսի նախագծերի միջոցով, ինչպիսին է Չինաստանի նախաձեռնած «Մեկ գոտի, մեկ ճանապարհը», նրան ուղղակի մրցակցության մեջ է դնում Իրանի հետ:
Նրա խոսքով՝ Կասպից ծովում Ադրբեջանի և Թուրքմենստանի հետ էներգետիկ համագործակցության Անկարայի ձգտումը` դեպի Եվրոպա գազի տարանցման հարցում իր դերը զարգացնելու համար, նույնպես անհանգստացնում է իրանցի ղեկավարներին: Հարավային Կովկասում իր խնդիրները լուծելու համար վերջերս Իրանը դիվանագիտական աջակցության համար դիմեց Ռուսաստանին: Ազիզին կարծում է, որ Ռուսաստանը Իրանի համար Կովկասում ազդեցությունը պահպանելու «միակ ուղին» է, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-12 06:19Госсекретарь Марко Рубио приказал во вторник посольствам США по всему миру выполнить распоряжение об увольнении всех оставшихся сотрудников Агентства США по международному развитию (USAID), сообщает Associated Press.
-
New2025-06-12 06:15Руководитель парламентской фракции блока «Армения» Сейран Оганян опубликовал подписи всех 28 депутатов фракции о выражении вотума недоверия премьер-министру Армении Николу Пашиняну.
-
New2025-06-12 06:11Действия и заявления действующих властей во главе с премьер-министром Армении Николом Пашиняном, направленные против Армянской Апостольской Церкви и ее служителей, перешли все мыслимые и немыслимые границы. Об этом говорится в совместном заявлении советов Тегеранской и Исфаханской епархий ААЦ.
-
New2025-06-12 05:58Посольство России в Армении выразило соболезнования родным и близким погибших при взрыве жилого дома в Чамбараке (Гегаркуникская область).