2021-10-15 19:23
Информагентства
Ռոբերտ Քոչարյանի պաշտպանը բացարկ հայտնեց դատավոր Նարինե Հովակիմյանին
ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն այսօր բացարկի միջնորդություն ներկայացրեց սահմանադրական կարգի ենթադրյալ տապալման գործի կարճման դեմ բերված վերաքննիչ բողոքները քննող դատավոր Նարինե Հովակիմյանին։
Վերաքննիչ քրեական դատարանը հոկտեմբերի 15-ին շարունակում է քննել Քոչարյանի և մյուսների գործի (սահմանադրական կարգի տապալման գործի) կարճման դեմ բերված բողոքները։
Պաշտպանն ընդգծեց, որ Հովակիմյանը չի կարող համարվել անկախ և անկողմնակալ դատավոր, իսկ նրա մասնակցությամբ դատավարությունը` արդար։
«2008 թվականի մարտի 1-ի իրադարձությունների ակտիվ մասնակիցներից մեկն է եղել ԲԴԽ նախագահի պաշտոնակատար Գագիկ Ջհանգիրյանը։ Եվ հենց այն ժամանակ, երբ գործը քննվում է վերաքննիչ դատարանում, նա միջնորդել է, որպեսզի նախագահող դատավոր Նարինե Հովակիմյանը պարգևատրվի շքանշանով։ Մի մարդ, որն ի սկզբանե՝ մարտի 1-ից սկսած, այս գործով ունի կտրուկ դիրքորոշում, որը հակասում է Ռոբերտ Քոչարյանի դիրքորոշմանը, Ձեզ ներկայացնում է պարգևատրման, և Դուք պարգևատրվում եք»,- նշեց Ալումյանը։
Նրա խոսքով՝ սա ցանկացածի մոտ կասկած է առաջացնելու դատավոր Հովակիմյանի անկողմնակալության վերաբերյալ։ Դատավորը հայտնեց, որ մինչ այս պահը տեղեկացված չի եղել, որ պարգևատրվել է Գագիկ Ջհանգիրյանի միջնորդությամբ։
«Դուք ինձ համար բացահայտում արեցիք այսօր։ Հայտարարում եմ, որ մինչ այս պահը տեղեկացված չեմ եղել, որ պարոն Ջհանգիրյանի կողմից եմ ներկայացվել այդ պատվավոր մրցանակին»,- ասաց Հովակիմյանը։
Ալումյանը նաև շեշտեց, որ մինչ պարգևատրումը որևէ կասկած չի ունեցել դատավորի անկողմնակալության վերաբերյալ։
Պաշտպաններ Էրիկ Ալեքսանյանն ու Կարեն Մեժլումյանը միացան միջնորդությանը։
Ալումյանի ներկայացրած միջնորդության վերաբերյալ որոշումը դատարանը կհրապարակի հոկտեմբերի 18-ին` ժամը 10։55-ին, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.