2021-10-20 11:59
Информагентства
Facebook-ը մտադիր է փոխել անվանումը
Facebook Inc-ը նախատեսում է հաջորդ շաբաթ փոխել իր անվանումը, հայտնել է Verge-ը՝ վկայակոչելով աղբյուրները:
Facebook-ի գործադիր տնօրեն Մարկ Ցուկերբերգը պլանավորում է անվան փոփոխության մասին հայտարարել հոկտեմբերի 28-ին Connect ընկերության ամենամյա համաժողովին, սակայն այդ մասին կարող է ավելի վաղ հայտարարվել, հայտնում է Verge-ն:
Ռեբրենդինգի արդյունքում Facebook-ի՝ սոցցանցերի համար հավելվածը կդիրքավորվի որպես մայր ընկերության բազմաթիվ պրոդուկտներից մեկը, որը նաև վերահսկելու է այնպիսի խմբեր, ինչպիսիք են Instagram-ը, WhatsApp-ը, Oculus-ը և այլն:
Սիլիկոնյան հովտում հազվադեպ չէ, որ ընկերությունները փոխում են իրենց անվանումները, քանի որ ընդլայնում են ծառայությունները:
2015 թվականին Google-ը հիմնեց Alphabet Inc.-ը՝ որպես հոլդինգային ընկերություն՝ որոնման և գովազդային բիզնեսի սահմաններից դուրս գալու և վերահսկելու համար տարբեր այլ ձեռնարկություններ` սկսած ինքնավար տրանսպորտային միջոցներից և բժշկական տեխնոլոգիաներից մինչև հեռավոր շրջաններում ինտերնետային ծառայությունների մատուցումը:
Ռեբրենդինգին ուղղված քայլը կարտացոլի նաև Facebook-ի ուշադրությունն այսպես կոչված մետատիեզերքի ստեղծման վրա՝ առցանց աշխարհ, որտեղ մարդիկ կարող են տարբեր սարքեր օգտագործել՝ վիրտուալ միջավայրում տեղաշարժվելու և հաղորդակցվելու համար:
Facebook-ը մեծ ներդրումներ է կատարել վիրտուալ իրականության (VR) և ընդլայնված իրականության (AR) մեջ և մտադիր է միացնել գրեթե երեք միլիարդ օգտագտիրոջ մի քանի սարքի և հավելվածի միջոցով:
Ընկերությունը նաև հայտարարել է, որ մտադիր է առաջիկա հինգ տարվա ընթացքում Եվրոպական միությունում ստեղծել 10 հազար աշխատատեղ` մետատիեզերքի կառուցմանը նպաստելու համար:
Ցուկերբերգը մետատիեզերքի մասին խոսում էր հուլիսից, և այդ նորաձև բառին, որն առաջին անգամ հայտնվեց անտիուտոպիական վեպում երեք տասնամյակ առաջ, հղում էին կատարում այլ տեխնոլոգիական ընկերություններ, ինչպիսիք են Microsoft-ը, տեղեկացնում է News.am-ը:
ПОСЛЕДНИЕ ОТ АВТОРА
-
New2025-07-09 05:11Дело депутата парламентской фракции «Армения» Артура Саркисяна направили в Ереванский суд общей юрисдикции районов Аван и Нор Норк для применения ареста в качестве меры пресечения. Об этом сообщил депутат фракции «Армения» Гарник Даниелян.
-
New2025-07-09 05:08Надеемся, что скоро будет заключено мирное соглашение между Азербайджаном и Арменией, заявил госсекретарь США Марко Рубио на заседании кабинета президента страны Дональда Трампа.
-
New2025-07-09 05:05Католикос Великого дома Киликийского Арам Первый призвал положить конец ситуации, сложившейся вокруг Армянской Апостольской церкви.
-
New2025-07-09 05:02Группа компаний "Ташир" призывает правоохранительные органы Армении действовать строго в рамках законодательства, исключая любые элементы давления. Об этом говорится в заявлении пресс-службы ГК.