2021-10-22 08:56
Информагентства
Միջանցքի հարց չի քննարկվում․ Արմեն Գրիգորյանը՝ Ադրբեջանի հայտարարությունների մասին
ՀՀ Անվտանգության խորհրդի քարտուղար Արմեն Գրիգորյանը rusarm.info-ի հետ հարցազրույցում նշել է, որ Հայաստանը չի քննարկում Ադրբեջանի համար միջանցք բացելու հարցը։
«Չենք քննարկում ու չենք քննարկելու միջանցք։ Ադրբեջանի հայտարարությունները միջանցքի մասին փոխվարչապետների հանդիպման աշխատանքներից դուրս են։ «Միջանցք» տերմինը օգտագործում են միայն Ադրբեջանում, Ռուսաստանի մեր գործընկերները նույնպես չեն կիրառում այդ տերմինը», - նշել է Գրիգորյանը։
Նրա խոսքով՝ Հայաստանը կառավարության հայտարարած «խաղաղության դարաշրջանի» համատեքստում է առաջ շարժվում՝ ամեն կերպ աշխատելով ապաշրջափակման ուղղությամբ։
«Ապաշրջափակում չի նշանակում մեկ ճանապարհի բացում, որքան ճանապարհներ բացվելու են Ադրբեջանի համար, այնքան էլ Հայաստանի համար։ Տավուշից և Սյունիքից մենք կարողանալու ենք մտնել Ադրբեջանի տարածք և կապվել Ռուսաստանի և Հարավային Ասիայի հետ», - ասել է Գրիգորյանը։
ՀՀ Անվտանգության խորհրդի քարտուղարը հայտնել է, որ Հայաստանի, Ռուսաստանի և Ադրբեջանի փոխվարչապետների հանդիպումը Մոսկվայում արդյունավետ էր։ Սա եռակողմ աշխատանքային խմբի 8-րդ նիստի առաջին մասն էր, որի ընթացքում դիտարկվել են Հարավային Կովկասի տարածաշրջանում տրանսպորտային կոմունիկացիաների վերականգնման հեռանկարները, քննարկվել է Հայաստանի վարչապետի, Ռուսաստանի նախագահի և Ադրբեջանի նախագահի հունվարի 11-ի հայտարարության շրջանակներում իրականացվող աշխատանքի հետագա ընթացքը։ Մհեր Գրիգորյանը, Ալեքսեյ Օվերչուկն ու Շահին Մուստաֆաևը պայմանավորվել են մոտակա ժամանակներում անցկացնել 8-րդ նիստի երկրորդ մասը, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-04-22 06:13Союз журналистов Армении обратился в Европейскую федерацию журналистов (EFJ) и Международную федерацию журналистов (IFJ) с просьбой осудить препятствование работе корреспондентов в парламенте страны, а также оскорбительные высказывания депутатов в адрес репортеров.
-
New2025-04-22 06:09Очередное заседание "суда" над армянскими пленными, включая военно-политическое руководство Нагорного Карабаха, состоялось в Баку.
-
New2025-04-22 06:03Председатель Конституционного суда Армении Арман Диланян заявил, что Основной Закон Армении не содержит территориальных претензий не только к Азербайджану, но и к какой-либо другой стране.
-
New2025-04-22 06:01Президент Ирана Масуд Пезешкиян заявил, что Тегеран готов к соглашению с США по ядерной проблеме в определенных рамках, которые обеспечивают его национальные интересы, добавив, что он не является ни оптимистом, ни пессимистом по этому поводу.