2021-10-22 16:28
Информагентства
«Ճշմարտություն սերունդների համար»-ը պահանջներ ու հարցեր է առաջադրել կառավարությանը
«Ճշմարտություն սերունդների համար» նախաձեռնությունը տարածել է հայտարարություն, որտեղ ասված է.
«Հոկտեմբերի 21-ին «Ճշմարտություն սերունդների համար» նախաձեռնության կազմակերպած քննարկման մասնակիցներս ելնելով պետության և ազգային շահից, կարևորելով հետպատերազմական իրավիճակում ճիշտ քայլերով և գործողություններով պատերազմի հետևանքների հնարավորին չափ մեղմացումը և Հայաստանի հետագա զարգացման համար հենքի ստեղծումը, անհրաժեշտ ենք համարում գործող վարչախմբից պահանջել.
1. Մինչև նոյեմբերի 10-ը հրապարակել 44-օրյա պատերազմում զոհվածների անունները և այն վայրը, որտեղից նրանք զորակոչվել են:
2. Անհապաղ աշխատանքներ իրականացնել ռազմաճակատի գիծը պատշաճ մակարդակի բերելու, ինժեներական անհրաժեշտ կառույցներ ստեղծելու և մեր զինվորներին և սպաներին վրանային պայմաններից ազատելու համար:
3. Անհապաղ բոլոր գերիներին վերադարձնել Հայաստան, առանց դրա դիմաց լրացուցիչ զիջումների, հատկապես տարածքային զիջումների:
4. Ջանքեր գործադրել Գորիս-Կապան մայրուղուց հեռացնել ադրբեջանցի բոլոր տեսակի զինված ծառայողներին և քաղաքացիական անձանց, միաժամանակ հրաժարվել պնդումներից, թե նրանք գտնվում են Ադրբեջանի տարածքում:
5. Ազգային ժողովում ստեղծել 44-օրյա պատերազմն ուսումնասիրող քննիչ հանձնաժողով՝ ընդդիմության ներկայացուցչի ղեկավարությամբ, հակառակ դեպքում կազմակերպել հանրային ատյան, պատերազմական հանցագործությունները վեր հանելու և դատավճիռ իրականացնելու համար:
6. Պատերազմում զոհվածների ընտանիքի անդամներին (ծնողներ, ամուսին, երեխաներ), պատերազմում հաշմանդամություն ստացածներին և պատերազմի մասնակիցներին տրամադրել հատուկ կարգավիճակ՝ դրանից բխող լայն արտոնությունների թվարկումով:
7. Կոնդի պետական ամառանոցները հատկացնել պատերազմի մասնակիցներին, պատերազմում զոհվածների ընտանիքներին միջազգային մակարդակի վերականգնողական կենտրոն ստեղծելու համար:
8. Հստակ պատասխան տալ, թե պատերազմի օրերին Ստեփանակերտի ռազմական կառավարման կետում՝ բունկերում ինչ էին անում Աննա Հակոբյանը, Արարատ Միրզոյանը, Արգիշտի Քյարամյանը և այլ քաղաքացիական անձինք, և ում հրամանով էին նրանք այնտեղ:
Այս ամենով հանդերձ, մենք գիտակցում ենք, որ երկիրը կարող է ոտքի կանգնել, ուղղել ողնաշարը, բռնել վերականգնման և զարգացման ճանապարհը բացառապես երկիրը պարտության և աղետի տարած Նիկոլ Փաշինյանի հրաժարականի դեպքում»։
Panorama.am
ПОСЛЕДНИЕ ОТ АВТОРА
-
New2025-04-22 12:37Служба нацбезопасности Армении на запрос Sputnik Армения не стала комментировать закрытие официальных сайтов Нагорного Карабаха.
-
New2025-04-22 12:35Спикер парламента Армении Ален Симонян на заседании Национального Собрания 22 апреля спровоцировал массовую потасовку между депутатами от оппозиционного блока «Армения» и правящей партии «Гражданский договор».
-
New2025-04-22 12:31Год назад Армения и Европейский союз объявили о начале работы над новой повесткой дня партнерства Армения-ЕС, установив более амбициозные совместные приоритеты сотрудничества на всех уровнях, без дополнительных конкретных подробностей. Во всей этой информационной шумихе, распространяемой ГД и пашиняновскими пропагандистами, самым важным было то, что в Брюсселе в связи с этим четко подчеркнули, что эта новая повестка дня не связана с процессом вступления Армении в Европейский Союз.
-
New2025-04-22 10:56Трагические события сентября 2023 года в Нагорном Карабахе, приведшие к полному исходу армянского населения, остаются предметом жарких споров и взаимных обвинений между властями и оппозицией Армении. Каждая из них обвиняет противоположную сторону в утрате Арцаха и этнических чистках.