2021-10-27 14:38
Информагентства
Երևանի ավտոբուսները կհամալրվեն մետաղադրամների հաշվիչ մեքենաներով
Երևանի քաղաքապետարանը 67,800.0 hազ. դրամ կուղղի «Երևանի ավտոբուս» ՓԲԸ-ի կանոնադրական կապիտալում բաժնետոմսերի ձեռք բերմանը, որով նախատեսվում է ձեռք բերել թվով 405 հատ մետաղադրամների հաշվիչ մեքենաներ՝ ավտոբուսներում ուղևորափոխադրումները արդյունավետ կազմակերպելու նպատակով:
«Արմենպրես»-ի հաղորդմամբ՝ Երևան քաղաքի ավագանու 2020 թվականի դեկտեմբերի 23-ի N310-Ն որոշման մեջ համապատասխան փոփոխություններ կատարելու մասին որոշման նախագիծն ընդունվեց հոկտեմբերի 26-ին Երևան քաղաքի ավագանու յոթերորդ նստաշրջանի երկրորդ նիստի ժամանակ:
Նախագծին ընդունվեց 36 «կողմ», 0 «դեմ» և երկու «ձեռնպահ» քվեարկության արդյունքում:
Քաղաքապետ Հայկ Մարությանն ասաց, որ բոլոր նոր ավտոբուսները հագեցած են լինելու մետաղադրամների հաշվիչ մեքենաներով: Ըստ նրա՝ դա արվում է, որպեսզի մարդիկ ստիպված չլինեն տոմս գնել: «Տոմս գնելն անհարմար կլինի, քանի որ ուղևորները ստիպված կլինեն գնալ հատուկ կրպակ կամ մետրո, կամ այլ վայրեր ու վճարել հարյուր դրամ և գնել տոմսը: Մենք ավելի հեշտացրել ենք բոլորի գործը»,- նշեց Մարությանն ու հավելեց, որ դա հարցի ժամանակավոր լուծում է, որովհետև առաջիկայում նախատեսում են անցնել քարտային համակարգի: Անկանխիկ համակարգը կընդունի բոլոր տեսակի քարտերը:
«Կլինի մի շրջան, երբ և՛ կանխիկ, և՛ քարտային համակարգն էլ կգործեն: Դա կարող է տևել վեց ամիս կամ մեկ տարի: Դա անցումային փուլ է, որը չենք կարող չանցնել: Կտրուկ փոփոխություններին դեմ եմ. պետք է քիչ-քիչ գնալ փոփոխությունների, որ մարդիկ հարմարվեն»,- շեշտեց Երևանի քաղաքապետը:
Նա տեղեկացրեց, որ 100 միավոր 6-մետրանոց փոքր դասի ավտոբուսներ են բերվել Հայաստան: «8- և 6-մետրանոց 211 ավտոբուս է հասել Երևան: Տեղափոխման ընթացքում 4 կամ հինգ միավոր է վնասվել, որոնք կարգի կբերվեն: Ավտոբուսները կաշխատեն որոշ փաստաթղթային և այլ հարցեր լուծելուց հետո: Այս պահին վարորդներն ուսուցում են անցնում նաև արտադրողի և մասնագետների կողմից, որոնք հատուկ այդ նպատակով են ժամանել Երևան»,- հայտնեց Մարությանը:
ПОСЛЕДНИЕ ОТ АВТОРА
-
New2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
New2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.
-
2025-07-31 19:18Президент России Владимир Путин подписал закон о ратификации соглашения с Ереваном о работе в республике Российско-армянского университета, сообщает ТАСС.
-
2025-07-31 19:16«Зангезурский коридор: геополитические угрозы против Ирана и перспективы различных действующих лиц» - такова тема конференции, которую иранский Mehr и армянский Центр аналитический исследований «Орбели»планируют провести совместно 5 августа, сообщает Mehr.