Последние новости
2021-10-29 19:49

Bloomberg. Էրդողանը երկիրը գնալով ավելի խորը քաղաքական և տնտեսական ճգնաժամի մեջ է տանում

0
Telegram

Թուրքիայի նախագահ Ռեջեփ Թայիփ Էրդողանը երկիրը գնալով էլ ավելի խորը քաղաքական և տնտեսական ճգնաժամի մեջ տանում, գրում է Bloomberg-ը։

Արևմտյան 10 դեսպաններին արտաքսելու Էրդողանի վերջին սպառնալիքը ցույց է տալիս, որ սրված տնտեսական և քաղաքական ճգնաժամի պայմաններում Թուրքիայի նախագահը քիչ զսպիչներ ու հակակշիռներ ունի:

Անցյալ շաբաթ համատեղ հայտարարությամբ դեսպանները կոչ արեցին ազատ արձակել բարերար Օսման Քավալային, ով կալանավորված է ավելի քան չորս տարի՝ չնայած Մարդու իրավունքների եվրոպական դատարանի բազմաթիվ որոշումներին:

Արևմտյան երկրները Քավալայի գործը սկսեցին որպես Թուրքիայում դատական ​​անկախության և օրենքի գերակայության լակմուսի թուղթ դիտարկել՝ 2016-ի անհաջող հեղաշրջումից հետո Էրդողանի «ժողովրդավարական ինստիտուտների վրա երկարատև գորհի» պատճառով:

Արտաքսման գործընթացը դադարեցվեց այն բանից հետո, երբ դեսպանությունները հրապարակայնորեն հայտարարեցին իրենց հանձնառությունը Վիեննայի կոնվենցիայի 41-րդ հոդվածին, որը կոչ է անում դիվանագետներին չմիջամտել ընդունող երկրի ներքին գործերին:

Սակայն սպառնալիքը շարունակում է իրենից «միջուկային տարբերակի դիվանագիտական ​​համարժեքը» ներկայացնել և ցույց է տալիս, որ Էրդողանի իշխանության վրա որևէ սահմանափակում չկա։ Իշխանության ամենաբարձր օղակներում նախագահին հետ պահող չկար, իսկ հետևանքները լիովին կանխատեսելի էին։

Թուրքական լիրան դոլարի նկատմամբ ընկել է ռեկորդային նվազագույնի, ինչը գազի զգալի կորուստների է հանգեցրել:

Քավալայի շուրջ վեճը, հնարավոր է, վերջին փորձն էր՝ շեղելու ուշադրությունը լիրայի հետ կապված իրավիճակից և վերջ դնելու Էրդողանի ժողովրդականության անկմանը: Դա վտանգավոր է Թուրքիայի համար, որին ամուր ձեռք է անհրաժեշտ՝ տնտեսական և աշխարհաքաղաքական ցնցումներից երկիրը դուրս բերելու համար, տեղեկացնում է News.am-ը:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ