2021-11-03 14:20
Информагентства
Ակադեմիկոս Յուրի Հովհաննիսյանը ՅՈւՆԵՍԿՕ–ի հեղինակավոր մրցանակի է արժանացել
Ռուսաստանցի գիտնական, ակադեմիկոս Յուրի Հովհաննիսյանը հիմնարար գիտությունների ոլորտի ձեռքբերումների համար արժանացել է Դ.Ի. Մենդելեևի անվան ՅՈւՆԵՍԿՕ–Ռուսաստան միջազգային մրցանակի։ Տեղեկությունը հայտնում է ՄԱԿ–ի կրթության, գիտության և մշակույթի հարցերի կազմակերպությունը։
Գիտնականն այս բարձր պարգևը ստացել է պարբերական աղյուսակի սահմաններն ընդլայնած հեղափոխական հայտնագործությունների ճանաչման, ինչպես նաև գլոբալ մասշտաբներով հիմնարար գիտությունների զարգացման մեջ նշանակալի ներդրում ունենալու համար։
Մրցանակի հանձնման հանդիսավոր արարողությունը կկայանա նոյեմբերի 15-ին ՅՈւՆԵՍԿՕ–ի գլխավոր գրասենյակում, որը գտնվում է Փարիզում։
Յուրի Հովհաննիսյանը ատոմային միջուկի փորձարարական ֆիզիկայի, միջուկային ռեակցիաների ուսումնասիրման, Մենդելեևի պարբերական աղյուսակի նոր տարրերի սինթեզի և հատկությունների հետազոտման, լիցքավորված մասնիկների արագացուցիչների ֆիզիկայի և տեխնիկայի, նանոտեխնոլոգիաներում արագացված ծանր իոնների կիրառման մասնագետ է։ Հովհաննիսյանը ծանր իոնների ֆիզիկայի հիմնադիրներից մեկն է։
Նրա ղեկավարությամբ 2000–ականներին Միջուկային հետազոտությունների ինստիտուտում քիմիական նոր տարրեր են բացահայտվել` 113–ից մինչև 118–ը ներառյալ։
2016 թվականին Տեսական և կիրառական քիմիայի միջազգային միությունը Մենդելեևի պարբերական աղյուսակի 118-րդ քիմիական տարրը ի պատիվ Յուրի Հովհաննիսյանի «օգանեսոն» է անվանել։
Գիտության և մասնավորապես միջուկային ֆիզիկայի զարգացման ոլորտում ունեցած մեծ ներդրման համար Յուրի Հովհաննիսյանը ՀՀ նախագահի կողմից պարգևատրվել է Սուրբ Մեսրոպ Մաշտոցի շքանշանով, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-12 11:17Американским официальным лицам сообщили, что Израиль полностью готов начать операцию против Ирана, сообщили несколько источников CBS News.
-
New2025-06-12 11:14Состояние одного из 11-ти пострадавших при взрыве в армянском Чамбараке крайне тяжелое, еще двое находятся в состоянии средней тяжести. Об этом сообщает пресс-служба Минздрава.
-
New2025-06-12 11:11Беспорядки в Лос-Анджелесе перекинулись на Вашингтон и Сиэтл: люди поджигают мусорные баки и запускают в полицию фейерверки.
-
New2025-06-12 11:05Иран снова предупредил Азербайджан о недопустимости пересечения "красных линий", сказал Sputnik Армения политолог, научный сотрудник аналитического центра APRI Armenia Бениамин Погосян на полях форума APRI в Ереване, комментируя заявление советника Верховного лидера ИРИ.