2021-11-09 11:19
Информагентства
ԱՄՆ պետքարտուղարության հայտարարությունը՝ ԼՂ-ում հրադադարի մեկամյակի կապակցությամբ
ԱՄՆ պետքարտուղարության մամլո ծառայությունը այսօր նոյեմբերի 8-ին տարածել է հայտարարություն՝ Հայաստանի և Ադրբեջանի միջև հրադադարի հռչակման մեկամյա տարեդարձի կապակցությամբ, ուր մասնավորապես ասված է.
«Այս շաբաթ Միացյալ Նահանգները և միջազգային հանրությունը ճանաչում են հրադադարի հռչակման մեկամյա տարեդարձը, որը վերջ դրեց Հարավային Կովկասում հայկական և ադրբեջանական ուժերի միջև 44-օրյա ինտենսիվ մարտերին:
Մենք մեր խորին ցավակցությունն ենք հայտնում անցյալ տարի ռազմական գործողությունների ընթացքում զոհվածների և վիրավորների ընտանիքներին։
Մենք կոչ ենք անում վերադարձնել մնացած բոլոր կալանավորվածներին, ամբողջապես հաշվառել անհայտ կորածներին, թույլատրել տեղահանվածների կամավոր վերադարձը իրենց տները, իրականացնել հակամարտությունից տուժած տարածքների համապարփակ մարդասիրական ականազերծում և հասանալի դարձնել միջազգային մարդասիրական կազմակերպությունները կարիքավորների համար: Մենք նաև կոչ ենք անում հետաքննել մարդու իրավունքների և միջազգային մարդասիրական իրավունքի ենթադրյալ խախտումները:
Միացյալ Նահանգները շարունակում է հավատարիմ մնալ Հարավային Կովկասի տարածաշրջանի անվտանգ, կայուն, բարգավաճ և խաղաղ ապագայի խթանմանը: Եվրոպայի և Եվրասիայի հարցերով ԱՄՆ փոխպետքարտուղարի տեղակալ Էրիկա Օլսոնը ներկայումս գտնվում է տարածաշրջանում՝ բոլոր երեք երկրների հետ երկկողմ բնույթի հարցեր քննարկելու և տարածաշրջանային համագործակցության հնարավորությունները դիտարկելու նպատակով։
Մենք կոչ ենք անում Հայաստանին և Ադրբեջանին շարունակել և ակտիվացնել իրենց ներգրավվածությունը, այդ թվում՝ Մինսկի խմբի համանախագահների հովանու ներքո՝ Լեռնային Ղարաբաղի հակամարտությանն առնչվող կամ դրա հետևանքով առաջացած բոլոր հիմնախնդիրներին համապարփակ լուծումներ գտնելու համար»:
News.am
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.