2021-11-12 18:43
Информагентства
Տիգրան ԱԲՐԱՀԱՄՅԱՆ․ ԻՇԽԱՆՈՒԹՅՈՒՆԸ ՍՏԱՆՁՆԵԼ Է ԱԴՐԲԵՋԱՆԻ ԴԵՐԸ
«Այսօրվա գլխավոր խնդիրն այն է, որ իշխանությունը փորձում է քողարկել իրականությունը, առաջնային հարցերը մղել երկրորդ պլան և կենտրոնանալ երրորդական, չորրորդական բնույթի խնդիրների վրա»,- ասուլիսում ասաց ՀՀ ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Նա նշեց, որ խոսվում է Գորիս-Կապան ճանապարհի փակվելու, այդ հատվածում գտնվող բնակավայրի անվտանգության, ադրբեջանական լկտիությունների, սանձարձակությունների մասին, իսկ ի՞նչ է ասում է իշխանությունը. «Իշխանությունն ասում է՝ մենք 2-րդ ճանապարհ ենք կառուցել, շատ լավ ճանապարհ է, որակական առումով ավելի լավն է, քան այն, որտեղ Ադրբեջանը մխրճվել է, ավելի անվտանգ է, միջազգային չափանիշներին համապատասխան։ Այսինքն՝ ի՞նչ կապ ունի ճանապարհի որակը, երբ մենք խոսում ենք այն մասին, որ Ադրբեջանը ոչ միայն մխրճվել է Հայաստանի Հանրապետության տարբեր հատվածներ, ոչ միայն վերահսկողություն է ապահովում մեր կարևոր ենթակառուցվածքների վրա, այլ նաև լուրջ սպառնալիք է ստեղծում մեր բնակավայրերի համար»։
Համեմատության համար ընդդիմադիր պատգամավորն ասաց. «Սա նույնն է, որ իշխանությունը հայտարարի՝ եթե սահմանամերձ բնակավայրեր են, Ադրբեջանը խնդիր է ստեղծում, մենք նրանց բնակարաններով ապահովում ենք, թող նրանք դուրս գան սահմանամերձ բնակավայրերից»։
Տիգրան Աբրահամյանն ընդգծեց՝ իշխանության խնդիրը ոչ թե կանխելն է ադրբեջանական ագրեսիան, նվազագույնի հասցնելն անվտանգային սպառնալիքները, այլ իշխանությունները լեգիտիմացնում են ադրբեջանական սադրանքները, համապատասխան ֆոն ստեղծում հայ հանրության մեջ առ այն, որ ադրբեջանական գործողությունները համապատասխանում են այն իրավիճակին, ինչը բխում է խորհրդային քարտեզներից, հետպատերազմյան իրավիճակում ստեղծված իրողությունից։
«Հայաստանի իշխանությունը ստանձնել է այն դերը, որը պետք է իրականացներ Ադրբեջանը, այսինքն՝ արդարացնում է, լեգիտիմացնում է Ադրբեջանի քայլերը, մեզ համար շատ ավելի նեղացնում այն բանակցային հնարավորությունները, որոնք մեզ կարող էին թույլ տալ այս կամ այն կողմի հետ բանակցել»,- ասաց Տիգրան Աբրահամյանը։
Նա նշեց, որ սա միայն Գորիսը Կապանին կապելու հետ կապված խնդիր չէ։
«Սյունիքը ճանապարհն է, որը մեզ կապում է Պարսից ծոցի, Իրանի միջոցով մնացած բոլոր երկրների հետ, ինչը անվտանգություն է, տնտեսական հարաբերություն, պարենային անվտանգություն։
Սյունիքն իր բնույթով աշխարհաքաղաքաղաքական, տարածաշրջանային դերակատարություն է, Հայաստանի համար կարևոր մարզ է, որն անվտանգություն է ապահովում»,- ասաց «Պատիվ ունեմ» խմբակցության պատգամավորը։
Տիգրան Աբրահամյանի խոսքով, ՀՀ քաղաքացին ցանկացած վայրում՝ Երևանում կամ սահմանամերձ համայնքում, պետք է լինի պաշտպանված, իսկ այդ ֆունկցիան պետությունը որևէ ձևով չի իրականացնում, ավելին՝ շատ ավելի վատթարացնում է այն իրավիճակը, ինչ կար հետպատերազմյան շրջանում։
ПОСЛЕДНИЕ ОТ АВТОРА
-
2025-08-12 14:53Взятые премьер-министром Николом Пашиняном обязательства в рамках подписанных в США соглашений несут новые экзистенциальные угрозы для Армении и армянского народа. Об этом говорится в заявлении оппозиционной фракции "Армения".
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.