2021-11-12 18:43
Информагентства
0
Տիգրան ԱԲՐԱՀԱՄՅԱՆ․ ԻՇԽԱՆՈՒԹՅՈՒՆԸ ՍՏԱՆՁՆԵԼ Է ԱԴՐԲԵՋԱՆԻ ԴԵՐԸ
«Այսօրվա գլխավոր խնդիրն այն է, որ իշխանությունը փորձում է քողարկել իրականությունը, առաջնային հարցերը մղել երկրորդ պլան և կենտրոնանալ երրորդական, չորրորդական բնույթի խնդիրների վրա»,- ասուլիսում ասաց ՀՀ ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Նա նշեց, որ խոսվում է Գորիս-Կապան ճանապարհի փակվելու, այդ հատվածում գտնվող բնակավայրի անվտանգության, ադրբեջանական լկտիությունների, սանձարձակությունների մասին, իսկ ի՞նչ է ասում է իշխանությունը. «Իշխանությունն ասում է՝ մենք 2-րդ ճանապարհ ենք կառուցել, շատ լավ ճանապարհ է, որակական առումով ավելի լավն է, քան այն, որտեղ Ադրբեջանը մխրճվել է, ավելի անվտանգ է, միջազգային չափանիշներին համապատասխան։ Այսինքն՝ ի՞նչ կապ ունի ճանապարհի որակը, երբ մենք խոսում ենք այն մասին, որ Ադրբեջանը ոչ միայն մխրճվել է Հայաստանի Հանրապետության տարբեր հատվածներ, ոչ միայն վերահսկողություն է ապահովում մեր կարևոր ենթակառուցվածքների վրա, այլ նաև լուրջ սպառնալիք է ստեղծում մեր բնակավայրերի համար»։
Համեմատության համար ընդդիմադիր պատգամավորն ասաց. «Սա նույնն է, որ իշխանությունը հայտարարի՝ եթե սահմանամերձ բնակավայրեր են, Ադրբեջանը խնդիր է ստեղծում, մենք նրանց բնակարաններով ապահովում ենք, թող նրանք դուրս գան սահմանամերձ բնակավայրերից»։
Տիգրան Աբրահամյանն ընդգծեց՝ իշխանության խնդիրը ոչ թե կանխելն է ադրբեջանական ագրեսիան, նվազագույնի հասցնելն անվտանգային սպառնալիքները, այլ իշխանությունները լեգիտիմացնում են ադրբեջանական սադրանքները, համապատասխան ֆոն ստեղծում հայ հանրության մեջ առ այն, որ ադրբեջանական գործողությունները համապատասխանում են այն իրավիճակին, ինչը բխում է խորհրդային քարտեզներից, հետպատերազմյան իրավիճակում ստեղծված իրողությունից։
«Հայաստանի իշխանությունը ստանձնել է այն դերը, որը պետք է իրականացներ Ադրբեջանը, այսինքն՝ արդարացնում է, լեգիտիմացնում է Ադրբեջանի քայլերը, մեզ համար շատ ավելի նեղացնում այն բանակցային հնարավորությունները, որոնք մեզ կարող էին թույլ տալ այս կամ այն կողմի հետ բանակցել»,- ասաց Տիգրան Աբրահամյանը։
Նա նշեց, որ սա միայն Գորիսը Կապանին կապելու հետ կապված խնդիր չէ։
«Սյունիքը ճանապարհն է, որը մեզ կապում է Պարսից ծոցի, Իրանի միջոցով մնացած բոլոր երկրների հետ, ինչը անվտանգություն է, տնտեսական հարաբերություն, պարենային անվտանգություն։
Սյունիքն իր բնույթով աշխարհաքաղաքաղաքական, տարածաշրջանային դերակատարություն է, Հայաստանի համար կարևոր մարզ է, որն անվտանգություն է ապահովում»,- ասաց «Պատիվ ունեմ» խմբակցության պատգամավորը։
Տիգրան Աբրահամյանի խոսքով, ՀՀ քաղաքացին ցանկացած վայրում՝ Երևանում կամ սահմանամերձ համայնքում, պետք է լինի պաշտպանված, իսկ այդ ֆունկցիան պետությունը որևէ ձևով չի իրականացնում, ավելին՝ շատ ավելի վատթարացնում է այն իրավիճակը, ինչ կար հետպատերազմյան շրջանում։
ПОСЛЕДНИЕ ОТ АВТОРА
-
2024-05-06 19:42Армянские организации Ирака выразили свою безоговорочную поддержку движению, возглавляемому архиепископом Багратом Галстаняном.
-
2024-05-06 19:40Лидеры Белоруссии, Казахстана, Киргизии, Таджикистана, Туркмении, а также Кубы, Лаоса и Гвинеи-Бисау примут участие в параде Победы, кроме того, приглашены руководители исполнительных органов СНГ, Союзного государства, ОДКБ. Об этом сообщил журналистам помощник президента РФ Юрий Ушаков, передает РИА Новости.
-
2024-05-06 19:37Большое число служащих внутренних войск (красных беретов) стянуто к трассе Ереван-Севан у города Раздана. Об этом заявил Sputnik Армения депутат от блока "Айастан" Гарник Даниелян, участвующий в шествии движения "Тавуш во имя Родины".
-
2024-05-06 18:50Премьер-министр Армении Никол Пашинян и президент Азербайджана Ильхам Алиев не будут присутствовать на параде Победы в Москве 9 мая, сообщил журналистам помощник президента Юрий Ушаков, передает РИА Новости.
