Последние новости

Կարինե ԳԵՎՈՐԳՅԱՆ․ ՏՊԱՎՈՐՈՒԹՅՈՒՆ Է, ՈՐ ՀԱՅԱՍՏԱՆԻ ԻՇԽԱՆՈՒԹՅՈՒՆՆԵՐԸ ԳՈՐԾՈՒՄ ԵՆ ԻՆՉ-ՈՐ ՄԵԿԻ ՍՑԵՆԱՐՈՎ

Շատ դժվար է կանխատեսել և հասկանալ Հայաստանի գործող ղեկավարության տրամաբանությունը: Այդ մասին News.am-ի թղթակցի հետ զրույցում հայտարարել է ռուսաստանցի փորձագետ, իրանագետ Կարինե Գևորգյանը՝ մեկնաբանելով իրավիճակը Գորիս-Կապան մայրուղու վրա:

«Ստեղծվում է տպավորություն, որ նրանք գործում են ինչ-որ մեկի գրած սցենարով: Շատ բան կախված կլինի այն փաստաթղթերից և որոշումներին, որոնք կընդունի Հայաստանի ներկայիս ղեկավարությունը, որը կրկին ընտրվել է պարտված պատերազմից հետո»,-նշել է նա:

Եթե Հայաստանի իշխանությունները բացեն Սյունիքով անցնող միջանցքը, ապա, փորձագետի կանխատեսմամբ, Իրանը կսկսի գործել՝ համաձայնեցնելով ամեն ինչ նախ Ռուսաստանի հետ:

Կարինե Գևորգյանը չի բացառել, որ այդ հարցը կարող է բարձրաձայնվել, այդ թվում՝ ԱՄՆ-ի հետ բանակցությունների ժամանակ:

«Իրանի դիրքերը Հարավային Կովկասում և հյուսիսային սահմանների մերձակայքում թուլանում են, սակայն այն ունի շատ մեծ հնարավորություններ, որոնք կապված են Պարսից ծոցի, Հորմուզի նեղուցի, դեպի Հնդկական օվկիանոս ելքի և այլ հանգամանքների հետ: Թեհրանն ունի հաղթաթղթեր, որոնցով կարող է հաղթել միջազգային ասպարեզում: Ուստի հարցը, որ Անկարան ձգտում է հսկողության տակ առնել հաղորդակցման ուղիներն ԻԻՀ հյուսիսային սահմանների մոտ, Իրանը կարող է բարձրաձայնել ուրիշ բանակցությունների ժամանակ»,-ընդգծել է փորձագետը:

Հիշեցնենք՝ նոյեմբերի 11-ին ադրբեջանական կողմը Հայաստանի Սյունիքի մարզի Գորիս-Կապան մայրուղու վրա մաքսակետեր է տեղադրել: Ավելի վաղ ադրբեջանցիների հարկադրանքով իրանյան տրանսպորտային միջոցները սկսել են երթևեկել այլընտրանքային ճանապարհով:

News.am

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ