2021-11-15 15:17
Информагентства
Երուսաղեմի հայոց պատրիարքարանի 17 անդամ պահանջում են չեղարկել կալվածքի վարձակալությունը
Երուսաղեմի Հայոց պատրիարքարանի 17 ներկայացուցիչ Պատրիարք Սրբազան հորն առաջարկում են չեղարկել «Կովերի պարտեզ» կալվածքի վերաբերյալ ստորագրված համաձայնագիրը։
Նշենք, որ հուլիսին Երուսաղեմի պատրիարք Նուրհան Մանուկյանը, պատրիարքարանի լուսարարապետ Սևան Ղարիբյանը և անշարժ գույքի վերակացու հայր պարետ Երիցյանը փաստաթուղթ են ստորագրել պատրիարքարանին պատկանող հողատարածքը` «Կովերի պարտեզ» կալվածքը 99 տարի ժամկետով ավստրալացի հրեա Դանի Ռուբինշտեյնին վարձակալության տալու մասին, որտեղ գործարարը նախատեսում է հյուրանոց կառուցել։
Sputnik Արմենիային տրամադրած ՀԱԵ Երուսաղեմի պատրիարքարանի 17 ներկայացուցչի ստորագրած գրավոր հայտարարության մեջ նշվում է, որ «Կովերի պարտեզ» կալվածքում հյուրանոց կառուցելու վերաբերյալ որևէ համաձայնագիր չի քննարկվել և չի վավերացվել միաբանության ժողովների ժամանակ։
Նրանք պահանջում են նաև, որպեսզի պաշտոնից հեռացվի Տ. պարետ ծայրագույն վարդապետ Երիցյանը, ով ամեն կերպ խոչընդոտում է գործարքի չեղյալ հայտարարելուն։
«Նշվել է, որ հյուրանոց կառուցելու ծրագրի մասին 12 տարի խոսվել է տնօրենների ժողովներում։ Այս առնչությամբ նախ ցանկանում ենք ասել` նախորդ 12 տարվա ընթացքում եղել ենք տնօրենների ժողովի անդամներ և փաստում ենք, որ հյուրանոց կառուցելու մասին երբեք որևէ առաջարկ չի արվել ժողովների ժամանակ»,– նշում են պատրիարքարանի ներկայացուցիչները։
Նրանք ընդգծում են, որ համաձայնագիրն ուսումնասիրելուց հետո հարցը պետք է քննարկվեր տնօրենների ժողովի ժամանակ, ինչից հետո այն պետք է դրվեր քվեարկության։ Մեծամասնության քվեն ստանալուց հետո միայն համաձայնագիրը կհամարվեր վավերացված։
Պատրիարքարանի ներկայացուցիչները կարևորել են նաև, որ համաձայնագրի ստորագրմամբ խախտվում է տասնամյակներ շարունակ պատրիարքության կողմից որդեգրված մի սկզբունք` որևէ կալվածք վարձակալության հանձնելու դեպքում նվազագույնը 3 առաջարկություն ընդունել և դրանցից առանձնացնել ամենահարմարը`ստորագրության համար։
«Նախկինում նաև նշվել է, որ համաձայնագիրը ստորագրվել է «պատրիարքական հեղինակությամբ»։ Այս բառակապակցությունը նոր և շինծու արտահայտություն է, որ առաջին անգամ է դրվում շրջանառության մեջ։ Երուսաղեմի Հայոց պատրիարքարանի կանոնադրությունը հստակ սահմանում է, որ «Սրբոց Հակոբյանց միաբանության վարչությունը հանձնել է Երուսաղեմի պատրիարքին, որը գործում է համաձայն կանոնադրության»»,– նշում են ներկայացուցիչները։
Շեշտում են, որ Սուրբ աթոռի կալվածքների կալվածատերը միաբանությունն է, իսկ վարձակալը գործ ունի պատրիարքարանի հետ։ Հետևաբար միայն պատրիարքի ստորագրությամբ որևէ կալվածք վարձակալության չի կարող տրվել։
Տարածքը պատրիարքարանի, վարժարանի և դպրոցի հետ միասին մի ամբողջություն է, և այդ տարածքի վերահսկողության կորուստը խոցելի կդարձնի Սուրբ աթոռի գործունեությունը։
ПОСЛЕДНИЕ ОТ АВТОРА
-
New2025-06-03 10:04Организованная антинациональными властями кампания против Армянской Апостольской Церкви является экзистенциальной угрозой для сохранения национальной идентичности и суверенитета государства. Эта атака носит стратегический характер и строится вокруг двух взаимосвязанных этапов, которые можно назвать «программой минимум» и «программой максимум».
-
New2025-06-03 10:00После того, как в Сирии пала власть Башара Асада, а Израиль провел серию относительно удачных операций против ХАМАС и «Хезболлы», влияние Ирана на Ближнем Востоке заметно ослабло.
-
New2025-06-03 09:44Колумнист Sputnik Армения Сергей Баблумян рассуждает о том, может ли искусственный интеллект полноценно заменить человека и о важности сохранения верности семейным, нравственным, научно-исследовательским принципам. Меняет ли век искусственного интеллекта наши представления о порядочности, совестливости и патриотизме?
-
New2025-06-03 06:081 июня в Турции 33 организации, занимающиеся вопросами окружающей среды и прав человека, провели акцию в Игдыре, призывая к закрытию Мецаморской атомной электростанции (АЭС) в Армении, сообщает Ermenihaber. Участники акции отметили, что, несмотря на истечение срока эксплуатации Мецаморской АЭС в 2025 году, она продолжает функционировать.