Արծվիկ Մինասյան․ Մանդատներն օգտագործելու ենք բոլոր հնարավոր ելքերով

«Որևէ բան մեզ չի կաշկանդում, մենք ասել ենք, որ մանդատներն օգտագործելու ենք բոլոր հնարավոր ելքերով , այդ թվում նաև՝  բացահայտելով այս իշխանությունների ապօրինութունները, ազգադավ լինելը , մենք իրականացնելու ենք բոլոր այն գործողությունները, որը տալիս է մանդատը, հնարավորություն՝ այդ թվում ՍԴ դիմելու, այդ թվում նաև՝ այստեղ հարցեր պարտադրելու և բազմաթիվ այլ բաներ»,այս մասին նշեց «Հայաստան» խմբակցության քարտուղար Արծվիկ Մինասյանը՝ պատասխանելով մանդատները վայր դնելու մասին լրագրողի հարցին։

«Այո՛, նաև մանդատների վայր դնելու հարցը մեր օրակարգից դուրս չի եկել , բայց դա կլինի այն ժամանակ երբ մենք կտեսնենք, որ դրանով մենք կհասնենք մեր վերջնանպատակին՝ կփոխենք կապիտուլացված իշխանությանը , կվերականգնենք երկրում ազգային իշխանություն և կձևավորենք սահմանադրական կարգը ։ Համոզված եղեք մի բանում հստակ՝  որևէ ձևով «Հայաստան» խմբակցության 29 պատգամավորները , որոնցից 3-ը ապօրինի կալանավորված են, որևէ ձևով կաշկանդված չեն մանդատի կամ կարգավիճակի առկայությամբ, առաջիկայում ևս մեկ հայտարարությամբ հանդես կգանք, որի մասին թույլ տվեք չասել, որովհետև սպասում ենք մեկ այլ գործողության։ Այհնպես որ, մենք ոչ թե մտածում ենք նախկինում ինչ սխալներ են եղել խորհրդարանական ընդդիմության կողմից և դրանք մենք կրկնում ենք, ո՛չ ամենևին, և սա մեխանիկական գործողություն չէ»,-ասաց Արծվիկ Մինասյանը, տեղեկացնում է YerevanToday-ը։