2021-11-16 14:25
Информагентства
Նորավան համայնքի ղեկավար․ Մայիսի 12-ից սկսած հարյուրավոր հեկտարներ ենք կորցրել
Ադրբեջանցիները Սյունիքի մարզի Նորավան գյուղին մոտեցել են 2 կմ, գյուղն ադրբեջանական դիրքից 10 կմ հեռավորության վրա է։ Այս մասին News.am-ի հետ զրույցում ասաց Նորավանի համայնքի ղեկավար Սլավիկ Պապյանը։
«Այդ տարածքի մեջ եղել են արոտավայրեր և խոտհարքներ։ Հիմա բնականաբար անասնապահները չեն կարող այնտեղ իջնել։ Մնացած գյուղերն էլ գրեթե նույն հեռավորության վրա են՝ 1-2 կիլոմետրի տարբերություն է։ Այս տարածքում մոտ 4-5 գյուղ է այդ հեռավորության վրա։ Մեր սահմանը հսկայական է, և նրանց դիրքը մեր տեսադաշտում չկա, բնակավայրերից հեռու են։ Ամեն դեպքում մեր գյուղացիները առաջ էլ էին ձգտում անասուներին որքան հնարավոր է հեռու արոտավայրեր տանել, որպեսզի կենդանին չանցնի հակառակորդի մոտ, և ադրբեջանցիների հետ որևէ առնչություն չլինի»,- նշեց Պապյանը։
Համայնքի ղեկավարի խոսքով՝ երբ ադրբեջանցիներն առաջխաղացում ունեցան Սև լճի ուղղությամբ, գյուղը կրկին տարածքային կորուստ ունեցավ։
«Մայիսի 12-ից սկսած հարյուրավոր հեկտարներ ենք կորցրել»,- ընդգծեց նա։
Սլավիկ Պապյանի խոսքով՝ գյուղի բնակչության մոտ խուճապ չկա, սակայն վիճակը, իհարկե, անհանգստացնող է։
«Սա գյուղի խնդիրը չէ, մեր հայրենիքի խնդիրն է։ Կապ չունի, թե մեր հայրենիքի որ մասում նման խնդիր կլինի։ Շատ ցավալի է տարածքի կորուստը»,- ընդգծեց Սլավիկ Պապյանը։
Նշենք, որ գյուղը գտնվում է Սիսիանից 7 կմ հեռավորության վրա։
Հիշեցնենք, որ Անվտանգության խորհուրդը երեկ՝ նոյեմբերի 16-ին, հայտարարություն էր տարածել, ըստ որի, Զինված ուժերի ստորաբաժանումները դուրս են բերվել շրջափակման մեջ հայտնված չորս դիրքերից։ Նշված դիրքերում շարունակում են մնալ Հայաստանի ինքնիշխան տարածք ներխուժած ադրբեջանցի զինծառայողները։
ПОСЛЕДНИЕ ОТ АВТОРА
-
New2025-07-19 07:50Депутат парламента Ирана Камран Газанфари заявил, что Азербайджан сотрудничал с Израилем в нападении на некоторые объекты в Шахруде, передает Khabar Online.
-
New2025-07-19 07:46Уголовное преследование оппозиционного политика Рубена Акопяна – очередное проявление подавления политического слова. Об этом говорится в заявлении инициативы «Пять правозащитников».
-
New2025-07-19 07:44Собственник компании "Элсети Армении" обещает не повышать тариф на электроэнергию, между тем власти, назначившие временного управляющего, не могут дать таких гарантий. Об этом заявил на пресс-конференции исполняющий обязанности директора ЗАО "Электрические сети Армении" Давид Казинян.
-
New2025-07-19 07:41Армянские власти подтверждают, что контроль над дорогой между Азербайджаном и Нахиджеваном в Сюнике будет сохранен за Арменией. Об этом сказал журналистам посол Ирана Мехди Собхани.