2021-11-17 18:29
Информагентства
Զախարովան՝ ՀՀ-ի և ՌԴ-ի միջև պայմանագրի գործարկման հնարավորության մասին
Բաքվի և Երևանի ներկայացուցիչների հայտարարություններից պարզ է դառնում, որ կողմերը տրամագծորեն տարբեր գնահատականներ ունեն իրավիճակի վերաբերյալ և միմյանց մեղադրում են կատարվածի մեջ։ Ռուսաստանը կապի մեջ է և՛ Հայաստանի, և՛ Ադրբեջանի հետ՝ իրավիճակը խաղաղ հուն տեղափոխելու համար։ Այս մասին հայտարարել է ՌԴ ԱԳՆ ներկայացուցիչ Մարիա Զախարովան, տեղեկացնում է News.am-ը։
Նա հիշեցրել է, որ երեկ կայացել է Ռուսաստանի Դաշնության նախագահի հեռախոսազրույցը Հայաստանի վարչապետի հետ, բացի այդ՝ ՌԴ պաշտպանության նախարար Սերգեյ Շոյգուն բանակցություններ է վարել իր հայ և ադրբեջանցի գործընկերների հետ, որոնց միջնորդական ջանքերի արդյունքում երեկ երեկոյան բախումները դադարեցվել են։
«Մենք շարունակում ենք համատեղ աշխատանքը՝ լարվածությունը թուլացնելու համար։ Կոչ ենք անում կողմերին ցուցաբերել զսպվածություն, կանխել նոր միջադեպերը և բոլոր վեճերը լուծել բացառապես քաղաքական և դիվանագիտական ճանապարհով։ Մենք պատրաստ ենք շարունակել աջակցությունը՝ տարածաշրջանում խաղաղություն և կայունություն ապահովելու համար։ Վերջին իրադարձությունները հաստատում են սահմանազատման գործընթացի շուտափույթ մեկնարկի և դրան հաջորդող սահմանագծման կարևորությունը:
Ինչ վերաբերում է ԵԱՀԿ Մինսկի խմբի համանախագահների գործունեությանը, Զախարովան հիշեցրել է նրանց նոյեմբերի 15-ի հայտարարությունը. «Համանախագահները շարունակում են ակտիվ միջնորդական ջանքերը։ Եռյակն այժմ Վիեննայում է՝ քննարկելու ստեղծված իրավիճակը։ Մենք կրկին նշում ենք տարածաշրջան համանախագահների այցի կարևորությունը»։
Անդրադառնալով Հայաստանի և Ռուսաստանի Դաշնության միջև 1997 թվականի օգոստոսի 29-ի` Բարեկամության, համագործակցության և փոխօգնության համաձայնագրի, ինչպես նաև ՀԱՊԿ մեխանիզմների օգտագործման հնարավորությանը՝ Զախարովան նշել է, որ Մոսկվան լրջորեն է վերաբերվում ինչպես երկկողմ, այնպես էլ բազմակողմ պարտավորություններին։ «Երկկողմ գծով համապատասխան խորհրդակցություններ են անցկացվում։ Ինչ վերաբերում է ՀԱՊԿ-ին, ապա այնտեղ ուշադիր հետևում են հայ-ադրբեջանական սահմանին տիրող իրավիճակին»։
ПОСЛЕДНИЕ ОТ АВТОРА
-
New2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
New2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
New2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
New2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).