2021-11-18 15:35
Информагентства
Քերոբյան․ Իրանական խոշոր ընկերությունների խումբը ներդրում կանի «Մեղրի» տնտեսական գոտում
Իրանական խոշոր ընկերությունների խումբը պատրաստվում է խոշոր ներդրում անել «Մեղրի» ազատ տնտեսական գոտում։ Այսօր կառավարության նիստից հետո լրագրողների հետ զրույցում ասաց ՀՀ էկոնոմիկայի նախարար Վահան Քերոբյանը։
Նա նաև նշեց, որ ներդրումային առաջարկը, ամենայն հավանականությամբ, կառավարությունը կքննարկի արդեն հաջորդ նիստում։
«Ծրագիրն անմիջապես հաստատվելուց հետո կսկսի իրագործվել»,– ասաց նախարարը։
Այս տարվա հունվարի 18-ին Քերոբյանն այցելել էր Մեղրի և Facebook-ում գրել. «Մեղրիի ազատ տնտեսական գոտում քննարկել ենք շուտափույթ գործարկման հնարավորությունները»։
Նշենք, որ «Մեղրի» ազատ տնտեսական գոտին ստեղծվել է 2017 թվականի օգոստոսին կառավարության որոշմամբ։ Նույն տարվա դեկտեմբերի 15-ին տեղի ունեցավ պաշտոնական բացումը, սակայն այնտեղ տնտեսական գործունեություն դեռևս չի ծավալվում։
«Մեղրի» ազատ տնտեսական գոտու գործառնական տեսակը սահմանված է որպես արտադրաարդյունաբերական և լոգիստիկ՝ գյուղատնտեսության, մշակող արդյունաբերության, էլեկտրականության մատակարարման, առևտրի, փոխադրումների և պահեստային տնտեսության, մասնագիտական և տեխնիկական գործունեության, մշակույթի, զբոսաշրջության, զվարճությունների և հանգստի ոլորտներում:
2017 թվականի դեկտեմբերի 15-ին ՀՀ կառավարությունը` ի դեմս ՀՀ տնտեսական զարգացման և ներդրումների նախարարության և «Մեղրի ազատ տնտեսական գոտի» ՓԲԸ կնքեցին պայմանագիր ազատ տնտեսական գոտու կազմակերպման մասին, գործունեության ժամկետը` 50 տարի:
Հիշեցնենք, որ ԵԱՏՄ–ի և Իրանի միջև ազատ առևտրի գոտու մասին ժամանակավոր համաձայնագիրն ուժի մեջ է մտել 2019 թվականի հոկտեմբերի 27-ին։ Համաձայնագիրը սահմանափակ ապրանքներ է ներառում, սակայն դրա մեջ մտնում են հիմնական գրեթե բոլոր տեսակները (ԵԱՏՄ երկրներից ընդհանուր արտահանման շուրջ 55%–ը)։ Խոսքը վերաբերում է գյուղատնտեսական և արդյունաբերական խմբի ապրանքներին»
ԵԱՏՄ–ն 2022թ–ից նախատեսում է Իրանի հետ ժամանակավոր պայմանագիրը վերաձևակերպել անժամկետի, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-07-28 13:30Муссируемые в Сети слухи о том, что азербайджанцы якобы захватили новую армянскую позицию и продвинулись вперед, не соответствуют действительности. Об этом "ФактИнфо" сообщил пресс-секретарь ,министерства обороны Армении Арам Торосян.
-
New2025-07-28 13:28Экономическая активность в Армении увеличилась на 6,3% г/г в январе-июне 2025 года за счет сферы услуг (+9,8%), торговли (+3,9%) и строительства (+18,5%). Об этом сообщается в телеграм-канале (https://t.me/eabr_bank/982) Евразийского банка развития.
-
New2025-07-28 13:27Министр образования, науки, культуры и спорта РА Жанна Андреасян приняла посла Франции в РА Оливье Декотиньи. Во встрече также принял участие заместитель министра образования, науки, культуры и спорта Артур Мартиросян.
-
New2025-07-28 13:26Представитель Международного агентства по атомной энергии (МАГАТЭ) посетит Иран в ближайшие две недели, в ходе его визита будут обсуждаться технические аспекты сотрудничества агентства и Тегерана. Об этом заявил в ходе пресс-конференции официальный представитель МИД Ирана Исмаил Багаи.