2021-11-20 09:58
Информагентства
Արթուր ՂԱԶԻՆՅԱՆ․ ԴԱՏԱԲԺՇԿԱԿԱՆ ՓՈՐՁԱՔՆՆՈՒԹՅՈՒՆԸ ԿՊԱՐԶԻ՝ ՏԱՐՈՆ ՍԱՀԱԿՅԱՆԸ Ո՞ՂՋ Է ԵՂԵԼ, Ե՞ՐԲ ՏԱՐՎԵԼ Է ԲԱՔՈՒ
ԱԺ «Հայաստան» խմբակցության պատգամավոր Արթուր Ղազինյանն այսօր հրավիրված ասուլիսում անդրադարձավ նոյեմբերի 16-ին ծավալված ռազմական գործողությունների հետևանքով հայկական կողմի կորուստների մասին տրվող հակասական տեղեկատվությանը, մասնավորապես՝ ավագ լեյտենանտ Տարոն Սահակյանի մահվան հանգամանքների շուրջ բազմաթիվ հարցեր առաջացնող տեղեկություններին։
Մասնավորապես, մամուլում տեղեկություն էր հայտնվել, որ հայկական կողմը ադրբեջանական սադրանքի ժամանակ թշնամու զինծառայողների է գերեվարել, ապա հրաման է ստացվել ազատ արձակել նրանց։ Թշնամուն գերի վերցրած Տարոն Սահակյանն այդ հրամանը կատարելիս ինքն է գերեվարվել։ Այս տեղեկություններին հաջորդեց պաշտոնական հերքում՝ ՊՆ-ից, հերքմամբ հանդես եկավ նաև զոհված ավագ լեյտենանտի եղբայրը։
Պատգամավոր Արթուր Ղազինյանը ուշադրություն հրավիրեց մի քանի հանգամանքների վրա․ մարտերը ծավալվել են հայ-ադրբեջանական շփման գծում, սակայն գեներալ-լեյտենանտ Ռուստամ Մուրադովը Բաքվի՛ց է ինքնաթիռով, հատուկ չվերթով Երևան տեղափոխել Տարոն Սահակյանի աճյունը, բացի այդ, տեղափոխել է միայն նրա աճյունը, այլ զոհվածների մարմիններ ինքնաթիռով չեն բերվել։
«Հարց է առաջանում, թե ինչպե՞ս Տարոն Սահակյանի մարմինը հայտնվեց Բաքվում, ինչու՞ Ռուստամ Մուրադովը գնաց միայն նրան բերելու՝ հատուկ չվերթով, ի՞նչ հանգամանքներում է տեղի ունեցել։ Կառավարական ֆեյքերը տարածում էին մի տեղեկություն, ըստ որի Տարոնի եղբայրը հայտնում է, որ մարմինը տեսել է, այն խոշտանգված չի եղել։ Ես կարծում եմ, որ սա ամենաառեղծվածային պահերից մեկն է, որը պետք է դառնա հատուկ հետաքննության նյութ»,- ասաց Ղազինյանը՝ շեշտելով, որ ոչ ոքի իր հայտարարությունների համար մեղադրելու ցանկություն չունի, սակայն իշխանության 3 տարվա տեղեկատվական քաղաքականությունը շատ հարցեր է առաջացնում։
«Տարոն Սահակյանի մարմինը դատաբժշկական փորձաքննության կենթարկվի, և մենք իրականում կհասկանանք՝ նա ո՞ղջ է եղել, երբ տարվել է Բաքու, թե՞ ոչ, որովհետև հարց է առաջանում՝ մահացածին ինչու՞ են տանում Բաքու և ինչու՞ է Ռուստամ Մուրադովը գնում նրան բերելու։ Ենթադրում եմ, որ գնացել էր բերելու ոչ թե աճյունը, այլ անձին և տեսել է, որ մահացած է»,- կարծիք հայտնեց Արթուր Ղազինյանը։
Նա նաև ենթադրեց, որ այս դեպքը մեծ աղմուկ է բարձրացրել ոչ միայն Հայաստանում։
«Ենթադրում եմ, որ այս դրվագը բավականին մեծ աղմուկ է բարձրացրել ոչ միայն հայկական ու ադրբեջանական տիրույթում, այլև ռուսական միջնորդական առաքելության մեջ, և Ռուստամ Մուրադովն իր պարտքն է համարել գնալ այդ զինվորականի հետևից։ Դա հետագայում կպարզվի, մութ չի մնա»,- նշեց պատգամավորը։
ПОСЛЕДНИЕ ОТ АВТОРА
-
New2025-06-07 11:10Федеральный апелляционный суд постановил, что президент США Дональд Трамп может не допускать журналистов в Овальный кабинет, на борт самолета Air Force One и другие «ограниченные помещения» на основании их редакционных решений, сообщает Bloomberg.
-
New2025-06-07 11:08Кандидатом в премьер-министры от бывшей правящей Республиканской партии Армении (РПА) в процессе импичмента Николу Пашиняну станет зампредседателя партии Армен Ашотян, пишет газета «Грапарак» со ссылкой на источники.
-
New2025-06-07 11:07Российский сенатор Александр Карелин надеется, что Армения и Россия смогут пережить неурядицы и жить в атмосфере добрососедства и взаимопонимания. Об этом он сказал Sputnik Армения в кулуарах 10-го армяно-российского межрегионального форума в Ереване.
-
New2025-06-07 11:05На прилавках магазинов в России доминирует местный товар, а также армянский коньяк и грузинский брэнди. Такие данные приводит SputnikLive по итогам анализа из открытых источников.