2021-11-29 11:47
Информагентства
Ռայիսին Ալիևին ԻՊ-ն ու սիոնիստական ահաբեկչությունը տարածաշրջանին սպառնացող երկու գործոններն են
«ԻՊ-ն ու սիոնիստական ահաբեկչությունը տարածաշրջանին սպառնացող երկու գործոններն են, որոնց անհրաժեշտ է հակազդել»: Այդ մասին հայտարարել է Իրանի նախագահ Էբրահիմ Ռայիսին Ադրբեջանի նախագահ Իլհամ Ալիևի հետ Աշխաբադում Տնտեսական համագործակցության կազմակերպության գագաթնաժողովի շրջանակում:
Ինչպես հաղորդում է ԻԻՀ նախագահի մամուլի ծառայությունը, հանդիպման ընթացքում կողմերը քննարկել են կարևոր տարածաշրջանային հարցերն ու երկկողմանի հարաբերությունները:
Ռայիսիի խոսքով՝ երկու երկրներին կապում են «վաղեմի ու խորը հարաբերությունները, և մենք թույլ չենք տա, որ այդ հարաբերությունների վրա ազդեն թշնամիները»: Հիշեցնելով Իրանի կողմից «Ադրբեջանի անկախությանն ու տարածքային ամբողջականությանն» ուղղված աջակցության մասին՝ Իրանի նախագահը նշել է. «Մենք թույլ չենք տա անվտանգության բացակայությունն ու օտարերկրյա միջամտությունը տարածաշրջանային երկրների գործերին, և փորձը ցույց է տալիս, որ տարածաշրջանի երկրները կարող են լուծել իրենց հարցերը փոխըմբռնման և բանակցւթյունների եղանակով: Ոտնձգություններն ու օտարերկրյա միջամտությունը պետք է դադարի: ԻՊ-ն ու սիոնիստական ռեժիմը տարածաշրջանում երկու սպառնացող գործոններ են, որոնց անհրաժեշտ է հակազդել»:
Նշելով, որ ԱՄՆ-ն ու Իսրայելը «ցանկանւոմ են քայքայել» Իրանի ու Ադրբեջանի միջև հարաբերությունները՝ Ռայիսին ընդգծել է. «Օտարերկրյա միջամտությունը վրաս է հասցնում տարածաշրջանի երկրներին, և մենք պետք է զգոնություն ցուցաբերենք նրանց դավադրությունների նկատմամբ»:
Նա ողջունել է Ադրբեջանի նախագահի հայտարարարությունը երկու երկրների միջև տնտեսական հարաբերություններն ամրապնդելու և իրանյան ընկերությունների մասնակցությամբ տրանզիտային երթուղիները զարգացնելու հարցում:
Ալիևը հայտնել է, որ կձևավորվի հատուկ աշխատանքային խումբ ձեռքբերված պայմանավորվածություններն իրագործելու և դրանք վերահսկելու համար:
Խոսելով իրենց երկրների միջև որոշ տարաձայնությունները լուծելու նպատակով երկու երկրների պաշտոնական դեմքերի հետ բանակցությունների մասին՝ Ալիևը հավաստիացրել է, որ Ադրբեջանը «հակված է սահմանային տարածքների անվտանգության ապահովմանն ու թույլ չի տա որևէ երկրին խոչընդոտել երկկողմանի հարաբերություններին»: «Մենք լի ենք վճռականությամբ լուծելու տրանզիտի խնդիրն ու ստեղծելու հիմք Ադրբեջանում իրանյան ընկերությունների գործունեության ու ներկայության համար»,-հայտարարել է նա՝ հավելելով, որ այդ հանդիպումը կդառնա «շրջադարձային» երկու երկրների միջև հարաբերությունների նկատմամբ և որ իրենք հակված են ապահովել Իրանի Իսլամական Հանրապետության տարածաշրջանային շահերը, տեղեկացնում է News.am-ը:
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.