2021-11-29 13:34
Информагентства
0
Դավիթ Տոնոյանը ևս 2 ամիս կմնա կալանքի տակ
Պաշտպանության նախկին նախարար Դավիթ Տոնոյանը ևս երկու ամիս կմնա կալանքի տակ։ Տեղեկությունը Sputnik Արմենիայի հետ զրույցում հայտնեց Տոնոյանի փաստաբան Սերգեյ Հովհաննիսյանը։
«Կալանքի հետ կապված դատական նիստը 3 օր է տևել` նոյեմբերի 24-27-ը, և դատարանը որոշեց ևս երկու ամսով կալանավորել Տոնոյանին։ Որոշման օրինակը դեռևս չենք ստացել»,–ասաց փաստաբանը։
Հովհաննիսյանը նշեց, որ իր համար տարօրինակ է, թե ինչ հիմքեր պետք է դատարանը գրած լինի կալանքի որոշման մեջ, և գուցե մինչև հիմա էլ մտածում են` ինչ գրել։ Ամեն դեպքում, ըստ նրա, ներկայացված միջնորդության կամ էլ կից ներկայացված նյութերում կալանքի որոշում կայացնելու համար բավարար տվյալներ չկային։
Տոնոյանի պաշտպանը նշում է, որ իրենց բոլոր միջնորդությունները դատարանը մերժում է։ Ավելին, մինչ օրս անկատար է մնացել պաշտպանական կողմի առաջարկած փորձաքննությունը, որի միջոցով կարող էր որոշվել Հայաստան մատակարարված հրթիռների որակը և պիտանելիությունը։ Սակայն դրա փոխարեն դատատեխնիկական փորձաքննություն է իրականացվել, որի արդյունքներին պաշտպանական կողմն ամբողջովին ծանոթ չէ։
«Պարոն Տոնոյանն իրեն լավ է զգում, սակայն հիմա, հաշվի առնելով, որ նրա նկատմամբ ապօրինի քրեական հետապնդում է իրականացվում, մեր անելիքներն ենք ծրագրավորում»,–ասաց Հովհաննիսյանը։
Հավելենք, որ պաշտպանական կողմն ավելի վաղ հայտարարել էր` նախաքննական մարմինն է նշանակել փորձաքննություն` որոշելու հրթիռների որակը և պիտանելիությունը։ Սակայն դրանից հետո, առանց պատճառաբանության, անկատար է թողել փորձաքննության կատարումը, նշանակել մեկ այլ՝ դատատեխնիկական փորձաքննություն:
ПОСЛЕДНИЕ ОТ АВТОРА
-
New2024-11-22 16:15Сборная Армении по футболу сыграет в стыковых матчах Лиги наций с командой Грузии. Об этом стало известно в пятницу по итогам жеребьевки плей-офф престижного турнира, которая состоялась в швейцарском Ньоне.
-
New2024-11-22 16:11«Власти Азербайджана намерены использовать климатический саммит COP29, прошедший в Баку, как платформу для антиармянской пропаганды.
-
New2024-11-22 16:09Человечество еще не окунулось в третью мировую войну, но уже идет настоящая информационная война. Об этом заявил президент Беларуси Александр Лукашенко, передает корреспондент Белта.
-
New2024-11-22 16:08Премьер-министр Казахстана Олжас Бектенов провел оперативное совещание о принятии срочных мер по обеспечению безопасности основных военных и гражданских объектов в связи с ситуацией вокруг Украины, передает Tengrinews.kz.