2021-11-29 14:41
Соб.инф.
ԳՐԱՆԹ ԹՈՐՆԹՈՆԸ ԵՎ ՀԱՅԱՍՏԱՆԻ ՄՌ ԱՍՈՑԻԱՑԻԱՆ ՀԱՅՏԱՐԱՐՈՒՄ ԵՆ ՀԱՅԱՍՏԱՆՈՒՄ ԳՈՐԾԱՏՈՒՆԵՐԻ ՎԱՐԿԱՆԻՇԱՎՈՐՄԱՆ ԲԱՑԱՌԻԿ ԾՐԱԳՐԻ ՄԵԿՆԱՐԿ
Գրանթ Թորնթոն Հայաստանը և Հայաստանի ՄՌ Ասոցիացիան, ընդլայնելով երկու կազմակերպությունների միջև երկարամյա համագործակցության շրջանակները, կնքել են Հուշագիր, որի նպատակն է համատեղ ջանքերով նպաստել Հայաստանում մարդկային ռեսուրսների կառավարման ոլորտի դերի և արդյունավետության բարձրացմանը, ինչպես նաև խթանել ՄՌ համայնքի համագործակցությունը և արդյունավետ հաղորդակցությունը:
Գործընկերային այս ձևաչափով նախատեսվող ծրագրերի շարքում Գրանթ Թորնթոնը և Հայաստանի ՄՌ Ասոցիացիան հանդես են եկել համատեղ նախաձեռնությամբ՝ առաջին անգամ Հայաստանում ուսանողների շրջանում իրականացնելով գործատուների վարկանիշավորման ծրագիր:
«հայrate» անվանումը կրող այս նախագծի նպատակն է հատուկ կարևորության արժանացնել գործատուի վարկանիշը: Հաշվի առնելով Հայաստանի աշխատաշուկայի փոփոխվող միջավայրը, ինչպես նաև բարձր մրցակցությունը երիտասարդ տաղանդների ներգրավման և պահպանման ոլորտներում՝ գործատուները առանձնահատուկ շեշտադրում են անում իրենց բրենդի, հանրության շրջանում դրա ընկալման և գրավչության խնդիրների վրա: «հայrate»-ը հնարավորություն է ընձեռում բացահայտել որքանով հասցեական են այս ուղղությամբ գործատուների ռազմավարություններն ու ծրագրերը ուսանողների շրջանում:
Գրանթ Թորնթոն Քնսալթինգի տնօրեն Գուրգեն Հակոբյանի կարծիքով․«Ուսանողների շրջանում ամենագրավիչ գործատուի բացահայտման մեր մտահաղացմամբ կիսվեցինք Հայաստանի ՄՌ Ասոցիացիայի հետ, և ուրախ եմ, որ մեր կազմակերպությունները միանգամից միավորվեցին այս և այլ նախաձեռնությունների կյանքի կոչման նպատակով: Տաղանդների համար գործատուների միջև մշտական մրցակցության ու տեղեկատվության տեղատարափի պայմաններում, գործատուները հաճախ հնարավորություն չունեն չափելի դարձնել իրենց բրենդի ընկալումը:
Հանդես գալով «հայrate» նախաձեռնությամբ՝ մենք նաև օժանդակում ենք ծրագրի իրականացմանը և ապահովում միջազգային լավագույն փորձի կիրառումը: Մեր ներդրմամբ, առաջին հերթին, ցանկանում ենք խրախուսել գործատուներին ուշադրություն դարձնել ոչ միայն կազմակերպության իմիջին, առհասարակ, այլ հատկապես երիտասարդների շրջանում որպես գրավիչ գործատու իրենց ընկալմանը և այս ուղղությամբ իրապես գործուն քայլեր ձեռնարկման անհրաժեշտությանը: Հուսանք, որ «հայrate»-ը երկար ճանապարհ է անցնելու՝ իր շուրջ միավորելով բազմաթիվ կազմակերպությունների և դառնալով հայաստանյան աշխատաշուկայի ամենահեղինակավոր ցուցիչներից մեկը»:
Արփի Կարապետյանը, Հայաստանի ՄՌ Ասոցիացիայի նախագահ, նշում է. «Գործատուի բրենդավորման հիմնախնդիրը բիզնես աշխարհում լայն քննարկման առարկա դարձած թեմաներից է։ Գրագետ մշակված բրենդավորումը կարևոր դեր է խաղում ընկերությանն անհրաժեշտ տաղանդների ներգրավման, ինչպես նաև աշխատաշուկայում բարձր կարգավիճակ զբաղեցնելու հարցում: «հայrate» նախաձեռնությունը կոչված է հենց այս խնդիրների շեշտադրմանը, ինչպես նաև մեր աշխատաշուկայում իրենց հաջողված ծրագրերի ու քաղաքականության արդյունքում իսկապես գրավիչ դարձած գործատուների ճանաչմանն ու գնահատմանը:
Գործատուների ճիշտ և գրագետ բրենդավորման հիմնախնդիրը մշտապես եղել է Հայաստանի ՄՌ Ասոցիացիայի տեսադաշտում, ուստի ոգևորությամբ ողջունեցինք Գրանթ Թորնթոնի՝ համատեղ նախագծով հանդես գալու առաջարկությունը: Հույս ունենք, որ «հայrate»-ը տարեցտարի ընդլայնելու է իր շրջանակները՝ միավորելով ուսանողներին ու գործատուներին, բացահայտելով ամենից գրավիչներին ու խրախուսելով մյուսներին հետևել նրանց օրինակին: Լավագույն տաղանդների ներգրավման ուղղությամբ գործատուների ջանքերը իրապես կարևոր են ոչ միայն այդ նպատակին հասնելու, այլև մեր աշխատաշուկայում որակական նոր փոփոխության, նոր մշակույթի կայացման տեսանկյունից»:
Հարցմանը մասնակցել են Հայաստանի առաջատար ԲՈւՀ-երի ուսանողներ, ովքեր մեկ ամիս շարունակ հնարավորություն են ունեցել իրենց կարծիքը հայտնել շուկայում տարբեր ոլորտներում գործունեություն ծավալող կազմակերպությունների վերաբերյալ: Հարցման արդյունքները կամփոփվեն դեկտեմբերի 10-ին կայանալիք «հայrate» ծրագրի միջոցառման շրջանակներում:
Լրացուցիչ տեղեկությունների համար`
Գրանթ Թորնթոն Հայաստանի մասին. Գրանթ Թորնթոն Ինթերնեշնլի անդամ հանդիսացող Գրանթ Թորնթոն Հայաստանը աուդիտորական, գործարար, ռիսկի ու կիբեռանվտանգության, իրավական ու հարկային ոլորտներում խորհրդատվական, ինչպես նաև հաշվապահական հաշվառման ծառայություններ մատուցող առաջատար ընկերությունն է շուկայում:
Անի Հակոբյան, Մարքեթինգի տնօրեն
Հայաստանի ՄՌ Ասոցիացիայի մասին. Հայաստանի ՄՌ Ասոցիացիան 2010 թ-ից մինչ այսօր ունի ավելի քան 300 անդամ՝ Հայաստանի տարբեր ընկերություններից: Ասոցիացիայի նպատակն է համախմբել ՄՌ ոլորտի առաջատար մասնագետներին՝ ՄՌ ոլորտի հանրայնացման, մասնագիտական զարգացման, «ՄՌ ակումբ» գործնական հանդիպումների ու մարդկային ռեսուրսների կառավարման (ՄՌԿ) դաշտի բարելավման միջոցով:
Արփի Կարապետյան, Նախագահ
ПОСЛЕДНИЕ ОТ АВТОРА
-
2025-06-16 13:58Летняя событийная афиша Москвы порадовала жителей и гостей столицы насыщенной программой: в течение недели ведущие джазовые коллективы России и зарубежья выступали на лучших открытых площадках города. Организатор фестиваля — Фонд Игоря Бутмана при поддержке Президентского фонда культурных инициатив и Департамента культуры города Москвы.
-
2025-06-16 11:21«Согласно полученным сообщениям, военно-морские и военно-воздушные силы США и Великобритании приближаются к Ирану и готовятся вступить в войну, - пишет на своей странице в Фейсбук доктор политологии Артур Хачикян.
-
2025-06-16 10:00Азербайджан, ставший инструментом в руках Тель-Авива, сегодня представляет главную угрозу безопасности Ирана и всего региона, распространение подобных фальшивок не спасёт Алиева от ответственности за подрыв региональной стабильности и предательство интересов мусульманского мира, написал в своем ТГ-канале руководитель молодежного крыла РПА Генрих Даниелян, коснувшись азербайджанских обвинений в отношении иранских армян и спецслужбы Армении, якобы «передававших секретную информацию третьей стороне». Публикацию полностью приводим ниже.
-
2025-06-16 09:28Церковь, как ранее парламент, суд или НКР становится помехой на пути к внутри-и-внешнеполитической гомогенизации, по которой уже не первый год последовательно продвигается Пашинян, написал в публикации «Наступление на церковь: новый этап «бархатной революции» в Армении?» в своем ТГ-канале ведущий научный сотрудник Центра евро-атлантической безопасности Института международных исследований МГИМО, российский политолог Сергей Маркедонов.