2021-12-02 09:25
Информагентства
Արցախի ԱԱԾ–ն Ռոման Բաղդասարյանին առաջարկում է ներկայանալ
Արցախի ազգային անվտանգության ծառայությունն արձագանքել է սոցիալական ցանցերում տարածված՝ Ռոման Բաղդասարյանի մասնակցությամբ տեսանյութին, որում վերջինս հայտարարել էր Արցախի պաշտպանության բանակի, սպաների ու գեներալների կողմից պատերազմի ընթացքում սպանություններ կատարելու ու սպանություններ կատարելու հրամաններ տալու մասին:
«Հաշվի առնելով, որ հիշյալ հայտարարության կապակցությամբ իրականացվում են ստուգումներ, ուստի Ռոման Բաղդասարյանին առաջարկում ենք հնարավորինս սեղմ ժամկետում ներկայանալ ԱՀ ազգային անվտանգության ծառայություն և պարզաբանումներ ներկայացնել իր կողմից հայտարարված ենթադրյալ հանցավոր դեպքերի վերաբերյալ»,– ասված է ԱԱԾ տարածած հաղորդագրության մեջ, տեղեկացնում է Sputnik Արմենիա-ն։
Միաժամանակ հայտնվում է, որ քրեական դատավարության օրենսդրությամբ սահմանված հիմքեր ծագելու դեպքում ԱԱԾ–ն դիմելու է նաև դատավարական հարկադրանքի միջոցի:
Հիշեցնենք` Արցախի Հանրապետության դատախազությունը Ազգային անվտանգության ծառայություն էր ուղարկել իշխանամետ բլոգեր Ռոման Բաղդասարյանի տեսանյութը, որում նա մի քանի սկանդալային հայտարարություն էր արել արցախցի գեներալների հասցեին:
Տեսանյութը սոցիալական ցանցերում տարածվում է 2021 թվականի նոյեմբերի 30-ից։
Նա իր հերթական ուղիղ եթերի ժամանակ ասել էր, որ 44-օրյա պատերազմի ժամանակ Արցախի պաշտպանության բանակի սպաներն ու գեներալները սպանություններ են կատարել, հրամաններ տվել, որոնց կատարման ընթացքում հարյուրավոր ու հազարավոր զինվորներ են սպանվել։ Ըստ նրա` իբր միայն Մատաղիսի ուղղությամբ 200 զինծառայող է սպանվել։
Արցախի դատախազությունը տեսանյութը փոխանցել էր ԱԱԾ՝ հետագա քննարկման համար։
Նշենք, որ Ռոման Բաղդասարյանը «Քաղաքացիական պայմանագրի» կուսակցության ակտիվիստ է և իշխանության մոլի կողմնակիցը։ 2021 թվականի ընտրությունների ժամանակ նկատվել է Նիկոլ Փաշինյանի շտաբում։ Նա հաճախ է բարձրագոչ հայտարարություններով հանդես գալիս, որոնց համար նրան հայկական Telegram-ալիքներում Հայաստանի և Արցախի հայերի միջև ատելության կոչեր անող են անվանել։
ПОСЛЕДНИЕ ОТ АВТОРА
-
New2025-04-15 19:40В Вайоцдзорской области 18 апреля пройдет конференция, посвященная истории княжеского рода Орбелян. Об этом заявила министр образования, науки, культуры и спорта республики Жанна Андреасян в ходе обсуждения в парламенте отчета о выполнении программы правительства на 2024 год.
-
New2025-04-15 19:35Посол Франции в Азербайджане повторила мысль главы МИД Франции о необходимости подписать мирный договор между Ереваном и Баку и освободить армянских пленных.
-
New2025-04-15 19:33Вице-премьер Тигран Хачатрян предложил представителям Совета по защите прав арцахцев продлить на два месяца выплату в размере 40 тысяч драмов для вынужденных переселенцев из Нагорного Карабаха. Об этом сообщил член Совета Нжде Искандарян в ходе разговора с прессой, на котором присутствовал корреспондент Armenia Today.
-
New2025-04-15 19:33В Баку прошло очередное заседание так называемого суда по сфабрикованному делу бывшего госминистра Нагорного Карабаха, бизнесмена и филантропа Рубена Варданяна.