2021-12-03 09:39
Информагентства
Վահե ՀԱԿՈԲՅԱՆ․ ԿԱՍԿԱԾ ՉՈՒՆԵՄ, ՈՐ ՍՅՈՒՆԻՔԻ ՎԵՐԱԲԵՐՅԱԼ ՊԱՏՐԱՍՏՎՈՒՄ Է ՈՐՈՇԱԿԻ ԳՈՐԾԸՆԹԱՑ
«Կասկած չունեմ, որ Սյունիքի վերաբերյալ պատրաստվում է որոշակի գործընթաց․ կալանքի են վերցվում այնպիսի մարդիկ, որոնք լավ համբավ ու հեղինակություն ունեն Սյունիքում»,- լրագրողների հետ զրույցում ասաց ԱԺ «Հայաստան» խմբակցության պատգամավոր Վաե Հակոբյանը։
Նա ընդգծեց՝ հարուցված քրեական գործերը շինծու են,դրա վառ ապացույցներից մեկը, մասնավորապես, Գորիսի համայնքապետ Առուշ Առուշանյանի գործով դատական նիստի ժամանակ Լուսինե Ավետյանի հայտարարությունն էր, որով նա հրաժարվեց իր նախորդ ցուցմունքից։
«Լուսինե Ավետյանը դատարանում փաստացի ասաց՝ այն ցուցմունքը, որի հիման վրա այսօր կալանավորված է Առուշ Առուշանյանը, ինքը ճնշման տակ է տվել։ Էլ ինչպե՞ս պետք է բացատրել հանրությանը, որ հասկանան՝ սա մեկ մարդու նեղ անձնական վրեժխնդրության և Սյունիքի նկատմամբ ոտնձգությունների հարց է»,- նշեց պատգամավորը:
Վահե Հակոբյանն անդրադարձավ նաև Սոչիում Հայաստանի, Ադրբեջանի և Ռուսաստանի ղեկավարների հանդիպմանը։
«Նիկոլ Փաշինյանը նոյեմբերին 26-ին խուսափեց բանավոր պարտավորությունները վերածել փաստաթղթի, ինչով դրա առաքելությունն իջեցրեց գուցե իր տեղակալի, գուցե՝ ապագայում ստեղծվելիք հանձնաժողովի ղեկավարի վրա, բայց ինչի՞ համար դա արեց ու ինչի՞ դիմաց, որ այդ ժամանակը նրան տվեցին»,- ասաց նա։
Հակոբյանը շեշտեց՝ այսօր գնալ նոր պայմանավորվածությունների՝ այն դեպքում, երբ Ադրբեջանը 2020 թվականի նոյեմբերի 9-ի փաստաթղթում ամրագրված իր պարտավորությունը չի կատարել, անտրամաբանական է։
«Ինչպե՞ս կարելի է այսօր գնալ անգամ բանավոր պայմանավորվածությունների, եթե 2020-ի նոյեմբերի 9-ի փաստաթղթում ընդգրկված կետերը դեռ չեն իրականացվել Ադրբեջանի կողմից, գերիները չեն վերադարձվել, զորքերն իրենց տեղում չեն։ Ի դեպ, Փաշինյանն ասաց, զորքերը հետ են քաշվել իր հրամանով, և այդպիսով տվեց ինքնախոստովանական ցուցմունք։ Շուտով այս ամենը լոգիկ տեսք է ունենալու, և բոլորը ենթարկվելու են պատասխանատվության»,- ասաց պատգամավորը։
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.