Հայաստանը ափսոսանք է հայտնել․ ՔԶԱԿ-ն առաքելություն չի գործուղել Արցախ
ՀՀ պատվիրակությունը մասնակցել է Քիմիական զենքի արգելման կոնվենցիային անդամակցող երկրների 26-րդ համաժողովին։ Տեղեկությունը հայտնում են ՀՀ արտաքին գործերի նախարարության մամուլի ծառայությունից։
Համաժողովի ընթացքում Հայաստանն ազգային հայտարարություն է տարածել, որում անդրադարձել է 2020թ․ Ադրբեջանի կողմից Արցախի դեմ սանձազերծած ագրեսիայի ընթացքում քիմիական տարրեր պարունակող զենքի կիրառմանը։ Հայկական կողմն ափսոսանք է հայտնել, որ Տեխնիկական քարտուղարությունը ՔԶԱԿ փաստահավաք առաքելություն չի գործուղել Արցախ՝ քիմիական նյութ պարունակող զենքի կիրառման փաստը քննելու նպատակով:
Հայաստանի պատվիրակությունը ղեկավարում էր արտաքին գործերի նախարարության միջազգային անվտանգության վարչության պետ Գեորգի Քոչարյանը։ Նա` որպես ՀԱՊԿ նախագահող երկրի ներկայացուցիչ, հանդես է եկել համատեղ հայտարարությամբ, որն անդրադառնում է զինված հակամարտությունների ընթացքում քիմիական զենքի կիրառման անընդունելիությանը, կազմակերպության տեխնիկական ուղղվածության պահպանման և վերջինիս չքաղաքականացման կարևորությանը։
ՀԱՊԿ անդամ երկրներն ընդգծել են զինված հակամարտությունների ընթացքում քիմիական զենքի ենթադրյալ օգտագործման վերաբերյալ Կոնվենցիային անդամակցող երկրների հայտերին արագ արձագանքելու հարցում տեխնիկական քարտուղարության օբյեկտիվության և անաչառության պահպանման կարևորությունը։
Հիշեցնենք, որ Ադրբեջանը 2020 թվականի սեպտեմբերի 27-ից սանձազերծած պատերազմի ընթացքում Արցախում ֆոսֆորային զինամթերք էր օգտագործել` այն կիրառելով անտառներում, բնակավայրերի մոտակայքում, որտեղ բազմաթիվ խաղաղ բնակիչներ են ապրում:
Ֆոսֆորային զենքը քիմիական այն զինատեսակներից է, որոնց կիրառությունն արգելված է միջազգային մարդասիրական օրենքներով։
Այն ոչնչացնում է ոչ միայն անտառները, օդը, ջուրը, կենդանական աշխարհն ու ողջ շրջակա կենսաբազմազանությունը, այլև շատ լուրջ բացասական ազդեցություն է ունենում մարդու առողջության համար, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2024-09-24 11:10
На первом заседании новообразованного парламента Азербайджана президент Азербайджана озвучил очень жесткие и опасные заявления.
-
2024-09-24 10:43
Сегодня, 24 сентября, Конституционный суд РА рассмотрит в письменной форме вопрос о конституционности регламента о совместной работе комиссий Армении и Азербайджана по делимитации границы.
-
2024-09-24 10:42
«Грапарак» пишет:
-
2024-09-24 10:39
Транскаспийский международный транспортный коридор для железнодорожного экспресса «Китай-Европа» был запущен в китайском Сиане. Об этом сообщает китайский сайт CGTN.