2021-12-08 16:18
Информагентства
ՀԱՊԿ երկրների ԳՇ–ները հստակեցրել են կոալիցիոն ռազմական շինարարության գերակայությունները
ՀԱՊԿ անդամ երկրների զինված ուժերի գլխավոր շտաբները կազմակերպության ռազմական կոմիտեի նիստում որոշել են 2022 թվականին կոալիցիոն ռազմական շինարարության գերակայությունները։ Տեղեկությունը հայտնել է կոմիտեի նախագահ, ՌԴ ԶՈւ գլխավոր շտաբի պետ Վալերի Գերասիմովը:
«Տեղի է ունեցել մտքերի հանգամանալից փոխանակում Հավաքական անվտանգության տարածաշրջաններում ռազմաքաղաքական իրավիճակի վերաբերյալ: Հաստատվել է ՀԱՊԿ երկրների զինված ուժերի գլխավոր շտաբների կողմից ռազմական անվտանգության մարտահրավերների և սպառնալիքների բնույթի միասնական ըմբռնումը: Պայմանավորվել ենք համակարգել դրանք չեզոքացնելու համատեղ գործողությունները և կատարելագործել ՀԱՊԿ-ի ռազմական ներուժը»,-ասել է Գերասիմովը` ամփոփելով խորհրդակցության արդյունքները, որը, նրա գնահատմամբ, կառուցողական է եղել։
Քննարկվել են հաջորդ տարի՝ կազմակերպությունում Հայաստանի Հանրապետության նախագահության ժամանակահատվածում, ռազմական ոլորտում ՀԱՊԿ գործունեության գերակա ուղղությունները և հանձնարարականներ են տրվել դրանց իրականացման ուղղությամբ:
ԶՈւ ԳՇ պետի խոսքով՝ սահմանվել է «ՄԱԿ-ի խաղաղապահ գործունեության մեջ ՀԱՊԿ-ի խաղաղապահ ներուժի ներգրավման, այդ թվում՝ խաղաղապահ գործողություններին մասնակցելու համար զինվորական դիտորդների և շտաբների սպաների պատրաստման ուղղությամբ» աշխատանքի կարգը:
«Քննարկվել է ՀԱՊԿ արագ արձագանքման հավաքական ուժերի հետ համատեղ «Փոխգործակցություն-2021» զորավարժությունների անցկացման արդյունքները։ Որոշումներ են ընդունվել կազմակերպության հավաքական ուժերի տվյալ բաղադրիչի կառավարման արդյունավետության բարձրացման վերաբերյալ»,-ասել է Գերասիմովը։
Նիստում հավանության է արժանացել նաև Միխայլովի ռազմական հրետանային ակադեմիայի գործունեությունը՝ որպես հրթիռային զորքերի և հրետանային մասնագիտություններով ՀԱՊԿ անդամ պետությունների համար զինվորական կադրերի պատրաստման բազային կազմակերպություն:
ՀԱՊԿ-ին անդամակցում են Հայաստանը, Բելառուսը, Ղազախստանը, Ղրղզստանը, Ռուսաստանն ու Տաջիկստանը, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
New2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
New2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
New2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.