2021-12-10 10:20
Информагентства
Դավիթ ՀԱՐՈՒԹՅՈՒՆՈՎ․ ԲԱՆԱԿԻ ՈՒ ԳԵՐԻՆԵՐԻ ՄԱՍԻՆ ՔՆՆԱՐԿՈՒՄԸ ԿՐՈՒՄ Է ՔԱՂԱՔԱԿԱՆԱՑՎԱԾ ԲՆՈՒՅԹ
Ռազմական վերլուծաբան Դավիթ Հարությունովը Sputnik Արմենիայի վերլուծել է, թե գերիներին վերաբերող քննարկումներն ու բանակի մասին քննադատություններն ընդհանրապես ինչպես կարող են անդրադառնալ բանակի վրա։
Բանակի հետ կապված խնդիրները հասարակության ներսում չեն կարող լայնորեն չքննարկվել, հակառակ դեպքում դրանք չեն լուծվի, առավել ևս, որ Արցախյան 44-օրյա պատերազմից հետո հասարակության ներսում պետք է սկսվեր ինչ-որ քննարկում, որը ենթադրում է նաև քննադատություն։ Sputnik Արմենիայի հետ զրույցում, վերլուծելով գերիներին մասին քննարկումների ազդեցությունը բանակի վրա, այս կարծիքը հայտնեց ռազմական վերլուծաբան Դավիթ Հարությունովը։
«Իհարկե խոսքն այն մասին չէ, երբ բանակի նպատակային վարկաբեկման ինչ-որ փորձ է արվում, բայց որ միանշանակ քննադատության չափը պետք է անհրաժեշտաբար աճեր, ուղղակի անխուսափելի փաստ է։ Մենք տեսնում ենք, որ ժամանակին բանակի խնդիրներին հանգամանորեն չեն անդրադարձել, լրատվամիջոցներն անդրադառնում էին միայն առանձին դրվագներին, երբ գրանցվում էին արտառոց դեպքեր, ընդ որում` չէր խոսվում այն մասին, թե ինչ պետք է անել խնդիրները լուծելու համար»,– ասաց ռազմական վերլուծաբանը։
Հարությունովի դիտարկմամբ` ցանկալի է, որ տվյալ ոլորտը հնարավորինս քիչ քննարկվի` հաշվի առնելով գաղտնիության գործոնը, բայց միաժամանակ տեսանելի է, որ եթե քաղաքական վերնախավը չի կարողանում բանակի պրոբլեմները լուծել, այդտեղ անշուշտ պահանջվում է հասարակության որոշակի միջամտություն։
Ըստ նրա` հաշվի առնելով այն, ինչ տեղի ունեցավ պատերազմի արդյունքում`խնդիրների հանրայնացումն ուղղակի անխուսափելի էր։
«Կա նաև խնդիրների հասարակական քննարկման արդյունավետության հարցը։ Մեզանում պատերազմի արդյունքների և բանակաշինության 30 տարիների ամփոփման վերաբերյալ քննարկումը կրում է քաղաքականացված բնույթ` դառնալով տեղեկատվական պատերազմի տարր տարբերխմբավորումների միջև։ Դիսկուսիան ցավոք սրտի չի բերում նրան, որ հասարակության ներսում ձևավորվեն օբյեկտիվ եզրակացություններ»,– ասաց Հարությունովը։
Նրա կարծիքով` քննարկումներն իհարկե անհրաժեշտ են, սակայն պետք է հաշվի առնել, թե ինչպես են ընթանում դրանք և ինչ օգուտ են տալիս հասարակությանն ու բանակին։
ПОСЛЕДНИЕ ОТ АВТОРА
-
New2025-06-12 14:26С 8 по 11 июня 2025 года на Армянской атомной электростанции (ААЭС) состоялся предварительный визит Корпоративной партнерской проверки с участием экспертов Всемирной ассоциации организаций, эксплуатирующих атомные электростанции (ВАО АЭС).
-
New2025-06-12 14:24Помимо участия в переговорах с Баку о делимитации и демаркации государственной границы, а также лоббирования интересов банковской системы в правительстве РА, вице-премьер Мгер Григорян выполняет и другие функции. В частности, накануне стало известно, что Григорян представит Армению на Петербургском международном экономическом форуме (ПМЭФ).
-
New2025-06-12 14:06Глава иранской Организации по атомной энергии (ОАЭИ) Мохаммад Эслами распорядился запустить новый центр по обогащению урана в безопасном месте и заменить центрифуги на более современные. Об этом, как передает РИА Новости, говорится в совместном заявлении МИД и ОАЭИ Ирана.
-
New2025-06-12 14:03Пассажирский самолет разбился недалеко от аэропорта города Ахмедабад (провинция Гуджарат) на западе Индии, сообщает телеканал NDTV. Отмечается, что на борту находились 130 пассажиров.