2021-12-14 15:29
Соб.инф.
«ՀԱՅRATE» ՆԱԽԱՁԵՌՆՈՒԹՅԱՆ ՇՐՋԱՆԱԿՆԵՐՈՒՄ ՀԱՅՏՆԻ ԵՆ ՀԱՅԱՍՏԱՆԻ ԱՄԵՆԱԳՐԱՎԻՉ ԳՈՐԾԱՏՈՒՆԵՐԸ
Դեկտեմբերի 10-ին կայացավ «հայrate»-ի՝ Հայաստանում առաջին անգամ ուսանողների շրջանում գրավիչ գործատուների մրցանակաբաշխությունը:
Նախաձեռնությունն իրականացվում է Հայաստանի ՄՌ Ասոցիացիայի և Գրանթ Թորնթոնի համատեղ ջանքերով և նպատակ ունի շեշտադրել գործատուների գրավչությունը աշխատաշուկա մուտք գործող երիտասարդների շրջանում՝ բացահայտելով որքանով հասցեական են իրենց բրենդի ճանաչելիության բարձրացման ուղղությամբ գործատուների ձեռնարկած միջոցառումները ուսանողների շրջանում:
Հարցմանը մասնակցել են Հայաստանի առաջատար ԲՈւՀ-երի շուրջ 2000 ուսանողներ, ովքեր մեկ ամիս շարունակ հնարավորություն են ունեցել նշել իրենց կարծիքով շուկայում ամենագրավիչ գործատուին՝ անկախ գործունեության ոլորտից:
Որպես գրավիչ գործատու ուսանողները նշել են ավելի քան 200 կազմակերպության անվանում, որոնցից առանձնացվել և մրցանակաբաշխության ընթացքում հայտարարվել են հարցման արդյունքում ամենից շատ ձայներ հավաքած 10-ի անունները: Հարկ է նշել, որ կազմակերպիչների կողմից խրախուսանքի են արժանացել բոլոր 10 կազմակերպությունները, որոնցից «գրավիչ գործատու» անվանակարգում նշվել է տասնյակի 2-5-րդ տեղերը զբաղեցրած, իսկ «ամենագրավիչ գործատու» անվանակարգում՝ ամենաշատ ձայներ հավաքած կազմակերպության անվանումը:
Այսպիսով, տասնյակում են հայտվնել հետևյալ գործատուները՝ Սերվիս տիտան, Հայաստանի կենտրոնական բանկ, Հայաստանի հանրային հեռուստաընկերություն, Գրանդ հոլդինգ և Սոֆթ Կոնստրակտ: Ուսանողների կարծիքով հայաստանյան աշխատաշուկայի «գրավիչ գործատու» են կարգվել Կոկա-Կոլա ՀԲՔ Արմենիան, Սինոփսիսը, Ամերիաբանկը և Դիջիթեյնը, իսկ «ամենագրավիչ» ճանաչվել ՓիքսԱրթը:
Մրցանակաբաշխության ընթացքում մասնակից կազմակերպություններից շատերի ներկայացուցիչները նշեցին, որ իրապես ողջունում են նման նախաձեռնության անհրաժեշտությունը և ուրախ են, որ միջազգային լավագույն պրակտիկան տեղայնացվել է և իրենք՝ գործատուները, այժմ հնարավորություն ունեն գնահատել ինչպես իրենց ձեռնարկած քայլերի արդյունավետությունը, այնպես էլ բացահայտել նոր հնարավորություններ երիտասարդ տաղանդների ներգրավման համար: Միջոցառման հյուրերի շարքում էին նաև մասնակից ԲՈւՀ-երի ներկայացուցիչներ, ովքեր շեշտադրեցին ուսանող-գործատու կապի ամրապնդման անհրաժեշտությունը և ընդգծեցին «հայrate»-ի կարևորությունը, որպես այդ հաղորդակցության բացահայտման գործուն միջոց:
Գրանթ Թորնթոնի և Հայաստանի ՄՌ Ասոցիացիայի ղեկավար անձնակազմի կողմից հնչեց պատրաստակամություն այս տարվա պիլոտային փուլից հետո «հայrate»-ը դարձնել շարունակական՝ ընդլայնելով այն տարեցտարի, ինչպես նաև հրավիրելով այլ կազմակերպությունների միանալ և աջակցել Հայաստանի աշխատաշուկայում որակական նոր փոփոխություն ու նոր մշակույթ սերմանող այս նախաձեռնությանը:
Գրանթ Թորնթոն Հայաստանի մասին. Գրանթ Թորնթոն Ինթերնեշնլի անդամ հանդիսացող Գրանթ Թորնթոն Հայաստանը աուդիտորական, գործարար, ռիսկի ու կիբեռանվտանգության, իրավական ու հարկային ոլորտներում խորհրդատվական, ինչպես նաև հաշվապահական հաշվառման ծառայություններ մատուցող առաջատար ընկերությունն է շուկայում:
Անի Հակոբյան, Մարքեթինգի տնօրեն
Հայաստանի ՄՌ Ասոցիացիայի մասին. Հայաստանի ՄՌ Ասոցիացիան 2010 թ-ից մինչ այսօր ունի ավելի քան 300 անդամ՝ Հայաստանի տարբեր ընկերություններից: Ասոցիացիայի նպատակն է համախմբել ՄՌ ոլորտի առաջատար մասնագետներին՝ ՄՌ ոլորտի հանրայնացման, մասնագիտական զարգացման, «ՄՌ ակումբ» գործնական հանդիպումների ու մարդկային ռեսուրսների կառավարման (ՄՌԿ) դաշտի բարելավման միջոցով:
Արփի Կարապետյան, Նախագահ
ПОСЛЕДНИЕ ОТ АВТОРА
-
2025-06-04 10:38«Архиепископ Вазген Мирзаханян 27 апреля в Эстонии помолился с премьером Армении у алтаря, благословил его программы и похвалил за устремления в ЕС и мирную повестку, – пишет на своей странице в Фейсбук иподиакон Армянской Апостольской Церкви Вартан Погосян.
-
2025-06-03 11:16В селе Фиолетово Республики Армения прошла торжественная церемония закладки фундамента детского сада для общины молокан. Строительство детского сада проходит в рамках проекта "Россия с вами", который рассказывает иностранным гражданам о деятельности РФ в сфере содействия международному развитию.
-
2025-06-02 10:03Как спроектировать город будущего? Что такое техника граттаж? И можно ли из простых фруктов приготовить десерт, достойный праздничного стола? Ответы на эти и другие вопросы дети искали не в учебниках или в интернете, а в мастерских, развернувшихся на площадках Дома Москвы в Ереване. Яркая и разноплановая программа под названием «Счастливый день детства» объединила ребят из столичных школ Армении, их педагогов, родителей, а также гостей из России. Мероприятие, приуроченное ко Дню защиты детей, было организовано Правительством Москвы, Департаментом внешнеэкономических и международных связей города Москвы, Московским домом соотечественника и Домом Москвы в Ереване.
-
2025-06-02 09:47Пример царя Папа, о котором периодически вспоминает Пашинян, для Никола не просто случайное имя, это программный прототип, написал на своей странице в ФБ член Совета РПА Армен Овасапян. Он убежден, что если ко всему, что говорит и делает в последнее время Пашинян, добавить, что «царь Пап также обслуживал интересы «извне» и был «внедрен» для разрушения государства (что он и сделал), то Никол полностью укладывается в логику страдания одержимостью этим персонажем». Публикацию полностью приводим ниже.